سنيننا معاد ترجع وراها

اترككم مع هذي القصيده وهي قديمه شوي

في خاطري هاجس قديما وبه تو=تارد كما ورد الظوامي لماها
تسابقا قلبي كماصادق النو = ترعد وتبرق مستخيل(ن) سماها
ويفوح منها القلب كنه على ضو = فوح الدلال اللي قويًا سناها
مافاد فاللي فات ياليت يالو = وسنيننا معاد ترجع وراها
أحداث ماهو خط يكتب ويمحو= انكان ماجازت كتابه محاها
هذي دواليب الدهر يوم تبدو = والله عليم بوجهها من قفاها
وحنا سوات اللي على الموج يطفو= يمشي بوجهه خاطره مابغاها
هذا الدهر والعبد ياناس و"شهو" =مخلوق في دنياً تدور برحاها
ويالله يارازق طيورٍ مع الجو= صالت وجالت لين لقيت عشاها
بحماك يامعبود يادافع السو= يادافع الاسباب تدفع بلاها
ومتى على الله عندنا يصفي الجو= ونحقق احلاماً قديمًا بناها