يا عنيدة

(ياعنيده)
من قبل لا تعذب خفوقي وتجفاه
طالبك تسمع من قصيدي قصيده
قبل الـــــــسفر والبعد لابد نـلقاه
البعد مـــــاعنه طريقً(ن) نحيده
ان ماخذانا اليوم لابد ننــــــصاه
يعني كــــــــذا والا كذا يا عنيده
مدامه بكيفك وهو راكدً(ن) مــاه
طالبك لا تنســـئ السـنين المديده
اللي مضت في حبنا والشقا انساه
انا نسيت اللي بصــــدري وقيده
من شان عينك ما حسبت المعاناه
نصبر وننطر للـــــيالي السعيده
ونقول جعل الله يعوض عن الاه
يــــــــاما تعبنا والليالي شديده
وياما شكينا حر صيفك ورمضاه
مدري وش اللـي ياغلا تستفيده
لاكــــــنّ ياسبت قصيدي وشكواه
ماهو لــــزوم اللي نقوله نعيده
اللي يبــــــي درب مواصل بيلقاه
واللي يبي درب المفارق يجيده
اختار لك دربن وعجل بمـــــبداه
كل الطرق ماهي عليكم مكيده
اهم شي انك عــــرفتي وش ابغاه
والحين اخذي راحتك ياعنيده
#وائل الصويلحي