الـــتــــــجــــــــارب

السلام عليكم ورحمة الله وبركاته ..

أقدم لكم هذه القصيده ،عسى أن نتال أعجابكم ...


أرجعي ياشمس لأجل الليل يتعبني سكونه .........عسعس الليل بسواده وأعتزى في وِلد عمّه

ابن عمّه همّه اللي كل ما جتني طعونه............. زادت الجرح العميق و لو ذبحني مايهمّه

والزمن لو قلت خفف من طعونك شان لونه ............ يازمن ماترحم اللي شال ظلمك فوق همّه

من يعيش بذل تكساه المذله و المهــونه ............. لين كل(ن) يطمع انه يقدره ويمص دمّه

من يبيّن للعرب ضعفه و عجزه يسفهونه .............. عند كل الناس مأحد(ن) يسمعه ويلد يمّه

أصنع المعروف فاللي يعرف الطيب ويصونه ............. و أتنزّه عن سفيه(ن) لا هرج هرجه يخمّه

التـجـارب علـمـتـنـا والـدهـر يبطش بشــونه .............علـمـتـنـا مـانـذم الــلاش لوفـعـلـه يذمّه

علمتني وان غدربي صاحبي لا..لا.. ماخونه ............. مـا تـركـتـه لانصاني بالليال المدلهمّه

علـمتـنـي في عــدوي مآمنــه و أطيح دونــه .............. لانصاني راح يضحك لي وقلبه زاد سمّه

وأطـلـعـي ياشمس لأجل الصـبح تطربني لحونه .............. والـزهـر لافاح عـطره والنفل ريحه نشمه