ماللعذر باب

يلي زعلت بلا سبب كيف أراضـــــيك

كيف اعتذر لك والزعل ماله أسبــــاب

وشلون أقول أسف وأبي مصافح أيديك

دام السبب مجهول ما للعذر بــــــــــاب

قول أش خطايه وابشر بعذر يرضـيـك

قول أش خطايه وفق قانون الأحبــــاب

كأنه خطا مني فانا رهــــــــن كفيــــك

احكم عليه حكم من خان الأصحــــاب

وكان الخطأ كله سبايب تغليـــــــــــك

منته بلاقي في تغليك ترحــــــــــــاب

مادام بعت الحب وشلون أبشريـــــك

من باعنا بعناه ما نحسب أحســـــاب

قد قيل لا تغلي سوا شخص يغليــــك

وللصاحب إلي باع ما ينفع أعتــــاب

خل الزمن يرضيك ماني مراضـيك

دامه تغلي منك ما للعـــــــــذر بـاب