كل المشاعر في غيابك تحراك تصرخ عليك من الوله حيل وينك

مساء الخير للجميع

عندي ملاحظة علي بعض المشاركين
بقسم الشعر المنقول البعض يختار قصيدة مميزه يشكر على حسن الاختيار
لكن لايذكر منهو صاحب القصيده نرجو كتابه صاحب القصيده حفظ لحقوق الاخرين
ونهدي لكم هذه القصيدة

خذني معك من وين مارحت وياك
خذني بقلبك دام قلبي رهينك
صعبة ترى لوشفت وشلون ابسلاك
لوطفت هالعلم تراني سجينك
عذبتني وشقيت روح تمناك
لو الهوى ينطق وربي يدينك
مات الغلا ينزف على درب ذكراك
رغم الجفى لازال يرجي حنينك
بعدك حياتي كلها ضيق ورباك
الواقع الي ماتمناه عينك
كل المشاعر في غيابك تحراك
تصرخ عليك من الوله حيل وينك
مقدر على بعدك حشى كيف فرقاك
هذى الحقيقه خلها في يقينك
ادري تساومني بروعة مزياك
وادري اضيع اليى بدالي جبينك
همك عذاب الي نسى الناس لرضاك
وهمي اشوفك مهتني في اسنينك
لوتطلب اسنين العمر من فداياك
زينت لك عمري براحة يمينك
منك احتملت من الشقى فوق ماجاك
ذقت العنى والهم كني حزينك
يكفي دخيلل حس بالي ترجاك
لاعاش منهو ياحبيبي يهينك
تعبت مالي بالهوى غير دنياك
مديت لك يمناي عطني يمينك
اعاهدك لبقى على الحب منساك
عهدا قطعته بين قلبي وبينك

عبدالله العسكر