مهـوب لازم انهـا .. ملكـة جمـال@أهـم شـي : ( تحبنـي وآحبهـا )!!

مرغوبة العاشق .. وغايـات المنـال=ودواء الجروح اللي تعسـر طبهـا !!
غيدا " بتول تحترف فـن الـدلال !!=ودك تقهوهـا .. قبـل لا تصبهـا !!
في ابهتها طلعـة مضـاوي هـلال=احبهـا .. وآتوقهـا .. وآحبـهـا
مخلوقة من زبد .. لو تلمسـه سـال=ونعومة حكاها .. كذا مـن ربهـا !!
وبنت الرجـال اللـي نسبهـا آل آل=قوم تنـوش المرجلـه .. وتذبهـا !!
واللي لا هب فوجهها ريـح الشمـال=قمت استشك !! ان الجنوب تهبهـا !!
الخصـر يرسـم انحـدرات التـلال=وردوفها .. من ثقلها تلعـب بهـا !!
يفوح منها المسـك والخمـر الحـلال=كنه علـى ذيـك الشفـاه يعبهـااا !!
وخدودها ورد شـذى عطـره خيـال=خلا ( فراشات الـورود ) تربهـاا !!
ولا قالت من الشوق يا عمري تعـال=شليت ذا الغتره وقمت اضـرب بهـا
فديتها اللي لا اوقفت مـن الاختيـال=تستنقص اللي يـوم تاقـف جنبهـا !!
أشوف فيها .. انها لي ( راس مـال )=وتشوف فيني .. ( فارس " مغرم بها )
مياسة القد !! وضفايرهـا طـوال !!=هي معجبه فيني وانـا معجـب بهـا
تشيخ فالخفرات وآشيـخ الرجـال !!=وتشب فينـي الشـوق وآنـا اشبهـا
احبهـا ولغيرهـا .. مابـه مجـال !=وجميع مابي من ( غلا ) فـي لبهـا
مهـوب لازم انهـا .. ملكـة جمـال=أهـم شـي : ( تحبنـي وآحبهـا )!!

ولا قالت من الشوق يا عمـري تعـال

شليت ذا الغتره وقمـت اضـرب بهـا
رائعه كروعة حضورك

أنت قصيدك مجنوووووووووووون

ياشيخ تعجبني قصايدك لله درك

بس ...

الخصـر يرسـم انحـدرات الـتـلال
وردوفها .. من ثقلها تلعـب بهـا !!

ترى فيه مراهقين يتخيلون ومسنين قصيدك يعذبهم شوي هههههههههههههههه

غيرت وتيرة الشعر العادية يا بومحمد

اختيار رائع وجميل اخي ابومحمد

الله يعطيك العافيه

يعطيك العافية

على الأختيار الجميل ,,,

مهـوب لازم انهـا .. ملكـة جمـال
أهـم شـي : ( تحبنـي وآحبهـا

كلك ذوق الحب حاكمني

رائعه وخالقي جعل يمينك ماهي للعوق

وبــنــت الــرجــال الــلـــي نـسـبـهــا آل آل

قـــوم تــنــوش الـمـرجـلـه .. وتـذبـهــا !!