قصيدة لشاعر عمران ناجي

أعزائي اعضا منتديات بني عزيز
اقدم لكم قصيدة لشيخ عمران ناجي العزيزي
حيث يذكر فيها شاعرنا بعض ايامه وتقلب الدنيا والحياة
ثم يختمها بوصية أبنائه علي ربعه والوقوف معهم وتكميل حقوقهم
فاطال الله عمر الوالد وحسن له الخاتمة
واتمني منكم الدعوات الطيبة له

وإليكم القصيده

تعال ياراع القلم واخذ ثم جيب =واحرص علي راس القلم لا تغويه
عمران غنا يوم عدي المراقيب =لوالنظر قاصر من الولف اعديه
تري طرات الرجم قدام لاشيب =لكن تالي العمر ودني ابريه
وتراي طرات العمرطرد الأشابيب=بمسلب لونه ابعد تضويه
كم مرت قدام عوج العراقيب =جول المها مني كثيره مشاكيه
اسري ليا نامت عيون الرعابيب =واصبح مصابيح بعيده مماسيه
وربعي منا وشهم بنوش التسابيب =والي يضيقهم عليه مسويه
والله ما عاشر ربعتي غير بطيب=واللي تجرابي اعزه وجريه
ولاني صلاحيا جليس الخراعيب=والمذهب اللي فيه خله مدانيه
ولاني بزاروبه سوات الزواريب=ولا جيب هرجا للعرب علته فيه
ولاجالي الفراع دون الاقاريب =ولا شيل من هذا لهذا ووديه
بالسماح الزين قدام لا غيب =ولا جل قاربني وهذي حراويه
ولا بي الا كان زرفلبي الذيب =ذيب النشاما اللي عليهم معاديه
كم شال من طيب وكم شال من خيب=مير اذهنه ياوحدا جاهلا فيه
تلعبك الدنيا بزين التلاعيب =وملعوبها الطيب لا بدك مخليه
عزي لكم يامغثبرين المشاريب=لو طالت ايامك حصيلك تلاقيه
حافظ علي دينك بزين الهناديب=وصوم ارمضان وكل فرض تصليه
وسوي العمل قدام شذب العراقيب=من زين النيه تري تنجيه
وقصي القبيله خلهم لك اجانيب =وخوك دون اقصي القبيله لاتخليه
ربعك ولو ضاقو حزام المصاعيب=واللي يحسك دون راسك تكافيه
ربعك كما بيت جويد الاطانيب =وان هبت الحاية بعجه تجي فيه
وربعك كما ضلع طويل الشناخيب =وليا حداك الوقت لازم تعديه
وربعك ظلال فوق راسك مكاهيب =وليا يبيعك بشر تخلف هقاوية

وفي الحقيقه ان قصائد الوالد كثيره ولكن للأسف اني لا احفظ منها إلا القليل

ومن لديه شي من قصائد الوالد لا يبخل علينا يبها
وان شاء الله اني في القريب ادون ما استطعت منها واتحفكم بها


اخوكم ومحبكم

واصل عزيز

الاخ الغالي والعزيز جبرني الوقت

مشكور على المرور العطر
والله يعافيك

صح بدنك وبدن من ذخرك


ونجات للابداعات انت ابو الابداع بس نبي نشوفك يانسل القروم

أتمنى لك مستقبل مزهر بالفرح والمسرات و وقتا ممتع بالمنتدي ومستقبل زاهر

اخوك واصل عزيز

تلعبـك الدنيـا بزيـن التلاعـيـب وملعوبها الطيـب لا بـدك مخليـه

والله ونعم في شايبك وعزا الله انه كفى ووفى


والله لايهينك نبيك تزودنا بقصائده القديمه والجديده



الله لايهينك

المشاركة الأصلية كتبت بواسطة محمد العزيزي

والله ونعم في شايبك وعزا الله انه كفى ووفى


والله لايهينك نبيك تزودنا بقصائده القديمه والجديده

الله لايهينك

والله ماعليك زود يابن جميل

وابشر بعزك بس عطنى وقت وانت تامر امر
والشياب وعلومهم عند الي في طرف الديره ماهي عندي وانا بالرياض والي عندي ماني بذاخره
والخير والبركه فيك انت وشرواك الله يطرح فيكم البركه

الاساذ محمد العزيزي
مشور على المرو العطر والوقوف لقصيده
وتقبل تحياتي

ربعك كما بيـت جويـد الاطانيـب وان هبت الحاية بعجه تجـي فيـه

ونعم بقائل هذه القصيده والله ان شيابنا لهم معزه بقلوبنا

المشاركة الأصلية كتبت بواسطة ابوقراحه

ربعك كما بيـت جويـد الاطانيـب وان هبت الحاية بعجه تجـي فيـه

ونعم بقائل هذه القصيده والله ان شيابنا لهم معزه بقلوبنا

الاخ ابو قراحه

ونعم بحالك
والف الف شكر على المرور الكريم ياذيبان

ويشرفنى مروك وتواجدك

صح لسان شاعرها ونعم فيك وفي ابوك وبيض وجهك على النقله الرائعه ولاتحرمنا من باقي قصايده وتقبل احترامي

المشاركة الأصلية كتبت بواسطة ابونواف

صح بدنك يابو نواف

ولا عليك زود

ومشكور على التواجد ويشرفنى مرورك