عشق بجنوني

تدري وش اصعب من حياة المضره= حياة عاشق ينتظر لمس اياديك
من كثر ماهو في جحيمً وحره= حتى وسط نومه حلومه تناديك
يقاسي الايام حلوه ومرّه= لكنّ تذرف دمعته عند طاريك
يعشق حروف اسمك ويفيدك عمره= ياصاحب اللي لاضوى الليل بابكيك
بكيت زولك يوم فالليل قمره= وش عاد وضعي فالغداري احاكيك
غلاك عندي مايصدق بأمره= وتبي تكذبني؟ألى قلت مغليك
حبك تكّون في عيوني مقره= تستاهل أني في عيوني بساويك
أتعيش يومك بالهنا والمسره= وأنا الذي نظرات عيني تبكّيك
ملكت قلبي وأنت ماضي بهجره =وش عاد لو تاصل خفوقي واناجيك
مايطري في بالك أزوره وأمره= وأنا الذي لاشفت زولك بناديك
أشعلت ناري مابقى كود جمره =على الامل في زحمة الياس بارجيك
لو التمني زارني يوم مره= والحظ قام وقال شبيك لبيك
طلبت ودك ياربيعي وزهره= وجمعّت زين الكون كله فداويك
انا الذي هليت فالحب عبره= وانا الذي بالود دايم مجازيك
ولو طال هجرك عالي الصوت اجره =واشق ثوبي اسهر الليل اناجيك

نــايـف الـطـلاحـبـي

نص جميل وصح الله لسانك يانايف الطلاحبي على هذه القصيده الجزله

مشكووور ياعاشق هبا وماااقصرت

حبيت انوه على غلط فالبيت الاخير وأعدله


ولو طال هجرك عالي الصوت أجره

وأشق ثوبي واسهر الليل اناجيك

تقبلوا تحياتي

تم التعديل ياأخوي نايف وأعذرني على التنسيق مدري وش اللي يعجبك لكن إذا ماعجبكم التنسيق بلغوني وانا أغيره

صح لسانك يانايف

قصيده مميزة ورائعه

صح لسانك اخي نايف قصيدة جميله

الله يعطيك العافية

الله يعطيك العافية أخو نايف وصح لسانك علي هالقصيدة

وتقبل مروري

مشكووووورين على الردود

وماقصر اخوي عاشق هبا



00000
تحياتي لكم

الله وأكبر

لاإله إلا الله

أشهد بالله جيت بقتبس منها شيء لقيت نفسي

أخذت القصيدة

أبدعت بهالنايفه يالنايف



فجر

صح لسانك وبيض الله وجهك وماهو غريب عليك هذا لقصيد يالنايف

يعشق حروف اسمك ويفيدك عمـره
ياصاحب اللي لاضوى الليل بابكيك
بكيت زولـك يـوم فالليـل قمـره
وش عاد وضعي فالغداري احاكيـك

تحيتي لك

الح ـب حاكم ـني