تدري وش اللي يجيب الضغط والسكر

تدري وش اللي يجيب الضغط والسكر == يزعجـك ويخلـي أخلاقـك تجاريـة

واللـي يخلـي مزاجـك دوم متعكـر == يدخلـك دوامـة الهـم الحقيقـيـة

لاجيت صاحبك وانـه منـك متنكـر == متناسـي المعرفـة ومغيـر النـيـة

وإلا لافكرت في اللـي فيـك مافكـر == لا قابلك صد عنـك وزاد فـي غيـه

وإن قلت له أي خدمة قـال متشكـر == ثقيل نفـس ومعاملتـه معـك سيـة

رجعك للي مضـى وابطيـت تتذكـر == وش مثله عبر الأقمـار الصناعيـة

مصادرٍ لـو يصـدر أمـر وتسكـر == عاشت نفوس العبـاد بـلا حزازيـة

سمعت هرجٍ سـوات الوسـم لابكـر == يبهجك ويزيدك إحسـاس وحياويـة

ولا جيت في مجتمع في غفلته ذكـر == لعـل يسمعـك لـو اثنيـن فالميـة

خطير الاسم المؤنث يصبـح مذكـر == عبر الفضـا والقنـوات الفضائيـة

والمزعج اللي ماغير يـدق ويسكـر == ذنبه علـى الاتصـالات السعوديـة

الشاعر والمبدع محمد سعد الرحيمي المطيري

أعجبتني فقررت إضافتها

أخوكم



نواف بن صعير

نواف بن صعير


نقل موفق تشكر عليييه وأبيات في قمة الرووووووووووووعه ولها معاني عديدة

تقبل مروري


شـكــ وبارك الله فيك ـــرا لك ... لك مني أجمل تحية .


فتى بني عزيز

الشاعر والمبدع محمد سعد الرحيمي المطيري

صح لسانه وقصيده مميزه
ولاهنت على نقلها وتسلم يمينك
تقبل مروري يالغالي

صح لسان قايلها ولسان ناقلها
ودمت بحفظ المولى؛؛؛

فتى بني عزيز

ابن شاعر غطفان

غريب الدار

يعطيكم العافية على المرور الراااااااااائع

نورتوا متصفحي