ياموتري روح وكب الرديين

ياموتري روح وكب الرديين =روح عسى دربك ودربي سماحي
من خلقتي ماتبع دروب المساكين=الي يخلطون الهمج بالقراحي
انا عزيز ومن رجال عزيزين=اللي يفجون النحر بالرماحي
اخذ الخبر يالي نسيت البدارين=وفعولهم تعرف هجاد وصباحي
ولا انت يالي ساكن بين عقمين =صكت عليك عقوم والحظ طاحي
افلحت بالنمه وشذب المقفين=مافيه من نمتك شخص استراحي
ياليت ماجاورتكم يالرديين=دورت غيرك من طيور الفلاحي
وراك ماميزت بالزين والشين=ولا الردا مالك بدربه صلاحي
الحق لا بده مع العالم يبين=وهرجك سمعته زين والسد باحي
ياجار تلعبها وتلعبها على مين=وانا على شرواك ضامن نجاحي
اثرك تبغى المصلحه يالملاعين=ماتدري اني يابن الاجواد صاحي
ماهو بنافع لو تظاهرت بالدين=يالي على جارك كثير النباحي
بالكذب والنمه عاقبت المسلمين=لاكن ابا ذوقك سمن ذحاحي
ودك تطير ولا نبتلك جناحين=مانته بطاير مانبتلك جناحي

الشاعر : خالد متعب القلعاء

أبو متعب
صح لسانك

مبدع ولايستغرب عليك الابداع

وشكراً

صح لسانك يالقلعا

وسلمت اناملك

واعتذر منك في تنسيق القصيده

المشاركة الأصلية كتبت بواسطة واصل عزيز

صح لسانك يالقلعا

وسلمت اناملك

واعتذر منك في تنسيق القصيده

مشكور اخوي على تنصيق القصيده

أخوي خالد

صح لسانك

وسلمت اناملك

قصيدة جزله من شاعر متمكن

تقبل سلامي

أخوك

قلب الوله

المشاركة الأصلية كتبت بواسطة قلب الوله

أخوي خالد

صح لسانك

وسلمت اناملك

قصيدة جزله من شاعر متمكن

تقبل سلامي

أخوك

قلب الوله

مشكور اخوي على مرورك الجميل