ربعتي ياتاج راسي كل ليله &&& عزوتي يالاد وايل في زماني

ياسلام الله سلام" مرتكيله = للرجال اللي لهم قدر" وشاني
من يعد الحق مادور بديله = وأخذو الحق المبدى في بياني
ربعتي ياتاج راسي كل ليله = عزوتي يالاد وايل في زماني
في ضلال المندهه راع الأصيله = شيخنا اللي مألتفت للسيفهاني
يالوصايف..يالمدايح.. به قليله = مايوصف حبرنا عذب المجاني
طودنا اللي كل ماكبرت نجيله = فكره اوسع من بحورك يالمواني
عبدليا" راس ماله مع حصيله = سجته مع فزعته ريف العواني
من مطير وكل واحد له فصيله = كاسبين الأوله حمر العياني
أن عطينا ماعطينا الا الجزيله = وأن منعنا يشهد القاصي وداني
مأصرفتنا عن منانا مستحيله = لوًها بالشام وسهيل اليماني
ولوتشب النار في راس الفتيله = ماعرفنا الخوف والطرقه ثواني
ماعرفنا الخوف دام العمر ليله = والمنايا ناويه والعمر فاني
مارتضينا في زمنا بالهزيله = ترجموها واعرفوا يأهل المعاني
باب بغداد المسمى به دليله = ودلة الرسلان وريح الزعفراني
والبنادق والسيوف اللي صقيله = هايمه بـ(مطـير) ماترضى بثاني
من بلانا شال حتفه في شليله = قلتها عن فعل وترجمها لساني
من نوانا بالردى ياعزتي له = والدلايل واضحه.. والضد جاني
ياهل المحراب يأصحاب الفضيله = يافلاسفة الزمان اللي بلاني
يادكاترة لهم خبره طويله = في تشاخيص" في علم المودماني
وش دوى من حب ربعه والقبيله = وأستكن الحب في وسط المحاني
حب صادق ماخلق شى" مثيله = أن وصفته ماوصفته ياكياني
حبنا ياذا الدهر محد" يزيله = ماهو بحب الكلام الهيلماني
كاسبين الطيب جله والجميله = وكاعمين الضد ولانرضى الهواني
قاله اللي كل ماشاف الطويله = خصها بجزل المدايح والتهاني
فيك من ربعي وفيك من القبيله = ثابتين.. وما يغيُرنا الزماني
قلتها والكل اذا جمع حصيله = يعرفون الفرق جزلين المعاني

تقبلو تحياتي اخوكم محمد العزيزي

صح لسانك الله يعطيك العافية

صح الله لسانك يامحمد العزيزي
قصيده تستحق الشكر عليها

يكفيها فخر انها في القبيله
ومااقول الا مثل ماقال ابو سرور

لو كل من حب ربعه حل تكفيره =عز الله اني كفرت وحل تكفيري

محمد العزيزي
صح لسانك
ويعطيك العافيه
اخوووووووووكم الواصل

صح بدنك يأبن حافل صح بدنك

سفير المهد وأنت تستحق الشكر على مرورك الرائع وعلى قولتك لاااهنت

صح بدنك يالواصل اشكرك على مرورك في متصفحي محمد العزيزي

صح لسانك يامحمد وبيض الله وجهك

وأشهد بالله انك كفو
ومثل ما قال سفير المهد يكفيك انها في القبيله العزيزه

من نوانا بالـردى ياعزتـي لـه=والدلايل واضحه.. والضد جانـي
ياهل المحراب يأصحاب الفضيله=يافلاسفة الزمـان اللـي بلانـي
يادكاتـرة لهـم خبـره طويلـه=في تشاخيص" في علم المودماني
وش دوى من حب ربعه والقبيله=وأستكن الحب في وسط المحاني
حب صادق ماخلق شـى" مثيلـه=أن وصفته ماوصفتـه ياكيانـي

هذا وانت شاعر تدورلك علاج عاد كيف الي ماهم شعار وش يسوون ينفجرون مع جنبهم

والف شكر لك على القصيدة الطيبه
وتقبل مرورى وتحياتي

ياهلا واصل عزيز صح بدنك ووجهك ابيض لاهنت على مرورك الرائع تقبل تحياتي

	الاخ محمد العزيزي طح لسانك وبيض الله وجهك كفيت وفيت في هذه القصيده الجزله ولايستغرب مثل هذه القصايد من مثلك وشرواك كشاعر مبدع ومتميز في مدح هذه القبيله شكري وتحياتي للخ الغالي محمد ربعتي ياتاج راسـي كـل ليلـه عزوتي يالاد وايل فـي زمانـيقصيده الجزله تقبل تحياتي ومروري عمر عمران [

/align][/frame]