قصيدة لتركي 2000

يا محمد كل ماهرفت شمس المغيب
زاد في نفسي تفاكيرها وأحزانها
من هموم من تجرح القلب سرت أقنب قنيب
مثل ما يقنب وراء أم القرى سرحانها
ديرتا مالي بها لا قريب ولا صحيب
غير ناس تحكم القفل في بيبانها
صرت أجي وأروح من بينهم مثل الغريب
كن ما يجود رجال طوال أيمانها
ما تشوف العين غير الغضيه والغضيب
عالم من بينها راقص شيطانها
ما حداني فوقها غير حظي والنصيب
ليت حظى ما حداني على سكانها
يا محمد ليت ديرة هلي مني قريب
والله اني ممرح الليل غير اوزانها
ديرة اللي للنشامة يقدم كل طيب
يوم سيسها بناها على سيسانها
مجلس عنده دوى القلب والجرح العطيب
يوم بعض الناس ما كرمت ضيفانها
عودنا اللي للصعيبات حلال وطبيب
وان نصوه اهل اللوازم قضى في شانها
شاقني مع طلعت الصبح صوته للنديب
وناره اللي ضوها عازلا دخانها
ودلة من كيفها خاطر الضايق يطيب
والعلوم اللي هل المعرفه عنوانها
وشاقني شوف المغاتير في ذاك الشعيب
يوم تستن المصاغير مع حيرانها
والبكار اللي نتقيتها يا ابن الغريب
ما حسبت المشتراها وكثر أثمانها
نقوة منها تملى القدور من الحليب
تشرح الخاطر لياجت تبا مرحانها
محتميها العود لن جاء حريب مع حريب
دونها يثنى بمن وازن نيشانها
محمد والله اني من الفرقا صويب
بعد ما فارقت ديرة هلي وأركانها
والختام أسلم وسلم وجعلك ما تخيب
والرسالة هات لي ردها بوزانها

منقول

مشكور
ويعطيك العافيه

شكراااااااااا أخوي