يمدح خواله بني عزيز - احمد الزير

بسم الله الرحمن الرحيم
السلام عليكم ورحمة الله وبركاته

قصيدة لشاعر /احمد محمد سعود الزير المطيري

في خواله بني عزيز




انا خوالي غير عن كافة مطير
.......... بني عزيز اهل السيوف الشطيره
ان جيتهم تلقى معـزه وتـقـديـر
.......... رجـالـهـم سـفـيـر في كـل ديــره
تلقى النشاما عند بابه طوابير
......... طيب وكرم والحر هذا مصيره
وجيهم لـضيف دايـم مسافير
........ كلمة هلا يا مرحبا من ضميره
عيال عود للوصايا مناعير
.......... شبو على كل العلوم السفيره
وان كبرة القالات بشرك بالخير
........ خلا الكبيره في عيونك صغيره
هذي خلاصة قول من احمد الزير
...... اخذت خصله من البحور الغزيره
ولا بني عزيز تفرق عن مطير
...... رجالـهـم سـفـيـر في كـل ديره

صح الله لسانه واعلا الله شانه

على هالقصيده الجزله الي في ناس تستاهل
عيال عود للوصايا مناعير
.......... شبو على كل العلوم السفيره
ولاهنت يالوصي على النقل

بيض الله وجيهكم جميع

يستاهلون المدح بني عزيز وماقال فيهم الزير قطرة في بحر

تلقى النشاما عند بابه طوابير
......... طيب وكرم والحر هذا مصيره


بيض الله وجهك يالبناخي

صح لسانك ولسان احمد الزير
قصيده جميله ووافيه
ويستحق من يرد عليه ويمدحه
ماشاء الله تبارك الله قصيده اعجبتني كثير
تحيتي وتقديري
طير القوافي

صح الله لسان شاعرها وتسلم على الطرح الجيد وبني عزيز تستاهل العلم الغانم

صح لسان ابومحمد الزير وبنتظار رد طير القوافي

سلام عليكم ورحمة الله وبركاته
يسعدني ان ارد على احمد الزير
وان شاء الله تنال رضا الجميع
ويستحق احمد الكثير

هاض الضمير وطاب جزل القصايد ==لبيات فخرن تعتزي في ضميرة
مذهّبه بلماس عقد وقلايد ==وبتاجها عرش المداين جديرة
يحمد بن الزيري يراع الفرايد ==يامعتزي بهل السيوف الشطيرة
تزها لك الصفحة سطور وجرايد ==ياطيب من حط البيوت المثيره
هنّا عيال العود والحكم سايد ==تبقى صحفنا بالوفا مستنيرة
ونعتلي هامات مجد المجايد ==يرخا لنا نجم الغلا في مسيرة
ابيات بانت للعقول المرايد==كسّاب مجد المجد يعلن سفيرة
من شاطي الحب هاك جزل الثرايد==عنقودها صافي بورد الجزيرة
قلمي
طير القوافي

محبتي
18ـ 2ـ2011 م ...15ـ 3ـ 1432 هـ

بسم الله الرحمن الرحيم

يامرحبا عداد مارفرف الطير - وعداد ماحجو جموع(ن) غفيره
فالوسمي اللي من رجال(ن) بهم خير - الطيب بيين والمواقف شهيره
رجالهم فالطيب فارق عن الغير - في ذمتي ماخاب من يستشيره
ورجالهم مايحتسب للمخاسير - وتلقى الجماله من حساب العشيره
عشيرة(ن) ماتنجب الا مناعير - وافعالهم وقت الملاقا خطيره
واللي يعادي هالرجال المغاوير - يسصبح كسير وماتفيد الجبيره
وانا بوضح بعض موقف وتقرير - لابو محمد والعلوم المثيره
السيف يزهابه كما سالم الزير - وانا أشهد انه للحمول الكبيره
رجل(ن) حكيم ومايجي منه تقصير - إذا هرج تصغي جحافل كثيره
والطيب مبنى للرجال المشاهير - وأبو محمد ياجماعه مديره
وماتوفي بمدحه جميع التعابير - لانه لدرب الطيب قايد مسيره
وصلو على الهادي عدد كل تكبير - وعد النجوم الخافيه والمنيره

مشعل الرهيف