السبع العجايب،،،،

يحق لك دامك كذا ليه ما غليك
صحيح توه راق للحب جوي
فعلا ملكت الزين والله محليك
صافح غلاك الشوق ليله مضوي
أكذب أحساسي وعيني تراعيك
وأقول ياعيني بليله تروي
حتى لو انه حلم ربي محييك
والحلم بغيابك يشابه عدوي
حلمن سرى بي طوع يمة حراويك
أبا تأكد ولا أنا في علوي
يدفعني الحب الرهاوي وما فيك
وش حيلتي جيتك بكثري وشوُي
تبي الصحيح الله يعيدك وطاريك
ياما توافق فيه نوك ونوي
عديم بأوصافك ولحدن يحاليك
وتقول توي بأول العمر توي
وشلون لو يكمل نموك ويغريك
بتصير للسبع العجايب مخوي
أجيك وأنت بدورك تشوف مغليك
قل سو ماتبغيه لجلك وأسوي
إن مامسحت إحساسك بكل ماضيك
يحرم علي بقربك أشب ضوي





عبدالله بن راجس

لكم تحياتي،،،،،

وشلون لو يكمل نموك ويغريك
بتصير للسبع العجايب مخوي
قمة الروعه
يعطيك العافيه يااخ صاحب الفخامه
تقبل مروري

الروعه مرورك يالبرنس
لك تحياتي،،،،،،

الله يعطيك العافيه

نقل جميل ورائع ولاتحرمنا من ابداعاتك ونقلك الجميل

تقبل مروري

الله يعافيك يالعتيه

الابداع مرورك يالوتيش
شرفتنا،،،،

وعليكم السلام ورحمة الله وبركاته


تسلم اخوي على النقل الجميل ,0

ومبدع يابن راجس وشاعر , وابن شاعر 0

تقبلو مروري

ابو غاده
شــرفنا مرورك
لك ودي،،،،،،