مفروض يعطي ثوبه الحرمه ويلبس ثوبها

العمر يفنى والحياة أحلام والدنيا متاع

يا كمّ نفسٍ روّحت ما حقّقت مطلوبها

يا منخدع في ضحكة الدنيا ترى الضحكة خداع

لا تأمن الدنيا ولو تضحك لك مْع جنوبها

إن ما تغانمت المراجل قبل ساعات الوداع

بَعَد وفاتك ماهي بصوبك ولا انت بصوبها

والمرجلة ماهيب سلعة تنشرى والاّ تباع

كم ناسٍ يقومون ويطيحون ما فرْحوا بها

اللي مولّع بالضياع يروح لدروب الضياع

واللي مولّع بالمراجل ما يغرّ دروبها

الطّيب بيِّن ومتعيِّن ما على وجهه قناع

لكن بعض الناس عميا والجَهَل عذروبها

والغيب ما يُعلم لكنّ العقل سِاس الإختراع

ليا اشتغل عقلك عرفت الناس وش ف"قلوبها"

وإن كان ما انته مستفيد من الدّماغ الاّ الصّداع

ما غير حظ الصّيدليّة ما تبور حبوبها

لا صرت ما تتعب على ( والنِّعم ) بـقدر المستطاع

صدّت ولفّت لك ظهَرها واعْطَتِك عرقوبها

وليا تملّكْت الكرم والحكمة وطول الذراع

لا تشغلك نفسك تراك اعطيتها ماجوبها

والواحد اللي لا كريم ولا حكيم ولا شجاع

مفروض يعطي ثوبه الحرمة ويلبس ثوبها

من جديد العملاق سعد بن جدلان أحببت أن أشارككم به

وليا تملّكْت الكرم والحكمة وطول الذراع
لا تشغلك نفسك تراك اعطيتها ماجوبها
والواحد اللي لا كريم ولا حكيم ولا شجاع
مفروض يعطي ثوبه الحرمة ويلبس ثوبها


ما فيه حيله هالشاآآآعــــر

لاهنت يا الليث ذوقك رفيع و اختيارك مميز ....

التميز مرورك ياامتنااان

اسعدني مرورك

صح لساان بن جدلان

وتسلم يالليث دايم تفاجئنا بروعة اختيارك وذوقك

لك تحيتي

والله ان هالقصيده ذكرتني بشطر من قصيدة بن حمري
بعض الرجال مهمته بس الأنجاب
وتسلم يالليث

المشاركة الأصلية كتبت بواسطة نايف معلي العزيزي

صح لساان بن جدلان

وتسلم يالليث دايم تفاجئنا بروعة اختيارك وذوقك

لك تحيتي

هلا وغلا
الاروع مرورك ياشاعرنا نايف
اسعدني مرورك

المشاركة الأصلية كتبت بواسطة الوتيش

والله ان هالقصيده ذكرتني بشطر من قصيدة بن حمري

بعض الرجال مهمته بس الأنجاب

وتسلم يالليث

سلمت اخي الوتيش

كل الشكر ياالليث

على النقل المميز

العفو ابن الذيب

اسعدني مرورك

كنت بنزلها بالموقع لكن سبقتني ياليثنا ....

سلمت يمينك يالغالي ...