مسيرة قبيلة مطير

هاض الضمير وهاجس القلب هيضـه=وقزيت من نومي وخلـق الله ينامـون
أبي السكات وقـام عزمـي يشيلنـي=وبينت تاريخ(ن) لـه النـاس يقـرون
كنـي وكـيـل ادم عـلـى ذريـتـه=يومي وليلي مجهـد(ن) تقـل مفتـون
مانـي بدماحـن لغلطـات مشتـهـي=اللـي مثايلهـم تـقـول يتـهـزون
أبتكلـم واتـرك الــزود والخـطـا=واشوف وش يصلح عن الكذب مضمون
عزمي يساعدنـي علـى مـا طرالـي=ودالوب فكري ينهض اللـي يطيحـون
واليـا بغيـت أقــول عـزمـت بالله=وابا احتمـل باللـي عليـه يشيلـون
أنا اختصـرت مـن السوالـف دلايـل=نقل عـن التاريـخ واللـي يحفظـون
عن قولهم فـي وقتهـم مـا اختلفنـا=ناخذ صحيح العلـم والكـذب مدفـون
بعلـم الجاهـل بــدرب المسـيـرة=يوم(ن) بعض الناس للحـق يخفـون
الشاعر اللـي يبـدع القـاف ظيعـه=يبا الدليـل وعـن طريقـه يتيهـون
مثل الذي هـام البحـر فـي سباحتـه=شاله غروره وسـط موجـه يغرقـون
يالمعتـرض مالـك ورانـا طـلابـه=مالـك قصيـر ولا عوانـي تثـورون
كذبـت فعـل مطيـر واللـي ذكرنـا=حظـك حمـول وبالظليمـه تهرجـون
امـا صغيـر السـن يجهلـك فعلهـم=والاردي العـرف ماتفتـهـم لــون
واللـي ذكرتـه بالقصـيـده نحـلـه=ونعلمك فـي دربهـم ويـن يمشـون
واللي يسب مطيـر مرخـى شرفهـم=واللي مدح بمطير مـا زادهـم لـون
سقـم الحريـب اليـا تعـدى حـدوده=اليا طـارت الغدفـه وقامـوا يعنـون
كم واحد(ن) يزمـي ودسنـا كرامتـه=عقب هديـره دايـخ الـراس ممهـون
تقول أهل نجد(ن) جلوا عـن ديارهـم=والا مطير(ن) في نضركـم يطيـرون
نجـد(ن) سكناهـا سنيـن طويـلـه=يوم الهوى صافـي وفيهـا يصولـون
من مويه هكـران(ن) عليـه انحدرنـا=وفيها من أجـواد القبايـل يحربـون
تاقـع منازلهـم جنـوب وشمالـنـا=وضرب الهنادي بينهـم مـا يكفـون
نوب(ن) علينا نعتـرف فـي طعنهـم=ونوب(ن) عليهم ومن نحرنا يصـدون
ولابـه نهـار(ن) مايطيـر غـبـاره=هـذا طريـح وذاك طاعـن ومطعـون
عشـرة مناويـخ(ن) بنجـد اقتحمنـا=نوب(ن) لنا الزوده ونوب(ن) يغلبـون
أحـد(ن) يهاجمنـا ونـرد خيلـهـم=وأحـد(ن) يناوخنـا ومنـا يـشـدون
قبـل السعـود بحكمهـم يملكـونـه=وقبل الرشيد اللـي بفتـرة يحكمـون
قصيرنـا منهـم حـراب العريـنـي=وشلف(ن) نروي جبهـا ليـن يقفـون
وسـرد السبايـا للعـدو ذاخرينـهـا=وحمر النواظـر للحرايـب يصالـون
قبقـب شـراع العـز والطيـر غنـا=وعن وجهنا بعض القبايـل يحـوزون
يـم الحصـاه ويـم صبحـا نزلـنـا=وحوطه تميـم اليـا بغوهـا يمـدون
ومدهالهـم شمـال حبـر والغـرابـه=ومرباعهـم علـى بنـات يظـفـون
طـرت علهـم طـاريـه صملـوهـا=نووا على المحـدار والنـاس يـدرون
ما أحـدن قـدر يردهـم مـع قفاهـم=ولا علقوا عاني مـن اللـي يخافـون
جوا من فقارة نجـد يزمـي ضعنهـم=لينن مـن سـوق الكويـت يتقضـون
تمشـي ضعاينهـم بـدرب أسلافهـم=لديره اللي بسمهـا النـاس يوحـون
يـوم أقربوهـا نطحوهـم حـرابـه=اللي على بيـض الحبـاري يجيـرون
جونـا وجيناهـم وصـارت معـارك=وعقب مناخين(ن) سكنهـا يحـدرون
مـا قلـت بالأجـواد قصـدي رداهـم=مـن أدبـرت دنيـاه فيهـا يذوبـون
حـظ(ن) يطيـح وحـظ بالله يرتفـع=وهاذي تدابير الولـي خالـق الكـون
ولانـي بقـراض للأجاويـد مسـهـم=سلطه من الله ينقص اللـي يـزودون
ولانـي بقـراض للأجاويـد بالقفـى=اللي لهم فعل علـى المـوت يـردون
وفي منـزل الصمـان بـس انتهينـا=وعنـد النفـود ودبدبتهـا يحـامـون
محـدن عطانـا طيـب ولا شريـنـا=أسباب مركاض بـه النـاس يـدرون
من فوق شهـب مـا قصرنـا غذاهـا=ومصقلاتـن للجمـاهـي يشيـلـون
وانطوحـن بيـض العـذارى غطاهـا=علـوى لعسريـن القبايـل يــردون
في شف شقح(ن) دايم الدوم بالخطـر=دايـم جنبهـا مـن وراهـا يبـارون
دايـم وحمـران النواظـر حمـاهـا=ومـن ذق منهـم طعنـه مايعـودون
وواصل سندنـا درعنـا مـن اعدانـا=دايم علـى النـزل الموالـي يميلـون
دايـم تـهـاذب خيلـهـم لحـددانـا=ومن جيشهم بعض الأجنـاب يشكـون
وألـد علـي بيـن الحفيفيـن نزلهـم=دايـم لصـولات القبـايـل يـوالـون
اليا أختلـط عجاجهـا مـع خلاجهـا=مركاضهم فيهـا المصاليـح يرعـون
وان قيـل ألـد عبـاد نعـم القبيلـه=مثل الجبـال الراسيـه مـا يزولـون
قصيرهم من الأجنـاب روس حرابهـم=وشلف(ن) بها شوخ القبايل يحذفـون
كـم فـارس تحـت الحوافـر وطنـه=اللـي بهـم ضلعـان نجـد يسمـون
تجـاول عنـد الطـريـح وتعاقـبـن=والكـل طلـق حرمتـه ماتشيـلـون
راحت على اللي شاله الكبـر ضيعـه=ومن قال أنا الطيب له الناس ياطـون
هـاذي شهـود الفعـل والخابـر الله=ماهوب هرج(ن) بالمجالـس يقولـون
وهاذي فعـول مطيـر ياجاهـل بهـا=ياللـي تغطـون الحسـب ماتخافـون
فهود الزراج اليا انتـووا يـم ديـره=بعـد المسافـه دونهـا مـا يهابـون
نمسـي بـدار وصبحنـا يـم ديـره=وكم(ن) عدون غافل(ن) لـه يفاجـون
ماهـم شـواوي بالقرايـا مربـهـم=طوال الخطى اليا ركب القيض يمشون
بادت سمـارى جيشهـم مـن حفاهـا=في لاهب الجوزاء عليهـن يسوجـون
من دار أبو جابر على الشـام كونهـم=جابـوا مغاتيـر(ن) عليهـا يغنـون
أربـع أكاوينـن بقيـظـن تعاقـبـت=ما قيضوا تحـت السقايـف ينامـون
ولو أذكر اللـي خابـرن بـه بلشنـا=أتعبت نفسي واللـي ورانـا يعـدون
ذكرت لـي موجـز وبينـت بعضهـا=وهاذي مسير مطير وأنتـم تخبـرون
من الحره السودا اليـا سيـف البحـر=قصور تبنـا والنخـل لـه يغرسـون
واللـي مكذبنـي يجيـنـا نفـرجـه=يلقـا صحيـح وللقـرايـا يـعـدون
من قصر ابـن شـلاح نبـي نجيبهـا=واينشـد الشيبـان عمـا يخـبـرون
أمـا لقـيـت الـهـرج لا صحتـلـه=والا أعترفت ومـن سنعنـا تصـدون
أما ركبـت الغـوج ياطابـك الوعـر=والا كسير القيـن والجنـب مطعـون
تـم الجـواب ومـا خبرتـه ذكرتـه=أنقل عـن التاريـخ للـي يحرصـون
نقلـت مـن شيبانـا مـن قصصـنـا=لعيالنـا اللـي بالمـدارس يحفضـون
وترى المراجل للعـرب تفتخـر بهـا=خطـلان الأيـدي للعوالـي يشومـون
والناس مثـل النـاس لافـرق بينهـا=الا كبـار الحـظ فيـهـا يـفـوزون
أحد(ن) نصيبه يقصره عـن طموحـه=وأحد(ن) يجيله حـظ باللـي يسـوون
وكـل القبايـل بالفعـايـل مجـربـه=وشعارها تنقل عـن اللـي يخبـرون
واللـي يبـا يذكـر فعايـل قبايـلـه=الباب مفتوح(ن) علـى مـا يريـدون
تمت وصلـى الله علـى سيـد البشـر=لـي تشفـع لمتـه يــوم ينـخـون

محمد بن جازع بن دله الصهيبي المطيري

مشكور
ابو ماجد
والى مزيد من العطاء

صح لسان الشاعر/ محمد بن جازع بن دله الصهيبي المطيري

وتسلم يدك على النقل ياابو ماجد


مشكووووووووووور

مشكور
والله يعطيك العافيه