معركة الفلق

السلام عليكم ورحمة الله وبركاته

ياذيب ياللي تجر أعواك يم أطراف دخنان
اليبك الجوع وإلا لاقي الديرة خلية


قصيدة تاريخية قيلت في موقعة الفلق من يعرف هذه القصيدة ومن قائلها ارجو التكرم ممن يعرفها يقوم بإنزالها على هذا الموقع وله خالص الشكر دمتم بألف ود

النشمي وعلمك نشمي معلومه جديده علي وكان ودي والله افيدك
ولو تجملت انت وقلت لنا اكثر عن الوقعه تكون مسوى خير

السلام عليكم ورحمة الله وبركاته

أخوي / النشمي
هذا ما لدي من القصيدة التي ورد عنها الاستفسار من شخصكم الكريم والقصيدة هي من كلمات :
إمرأة من فخذ الذويبات من قبيلة سليم حسب الروايات .
القصيدة:

هيّض عليـّه خيالٍ فأوله بارق وربـــــــــــــــــان *** يمطر خياله من الراضم إلى قشعى لويّـــــه
خيّـل على اهل الغروف ويسمعونه نزل باضان *** تزهم رعوده كما تزهم رعود العقربيـّــــــه
يا ذيب يا اللي تجر عواك يم اطراف دخنـــــــان *** اللي بك الجوع ولا لاقي الديرة خليّـــــــــــه
ان كان جاعان طبّح للفلق من وزن ودغـــــــــان *** تلقى العشاء فيه والمشروب عينٍِ ساهريّـــه
تلقى شموس الرحيمي والزبيري مقد الاضعــان *** وبن ثويني ويا كم عند ربعي من شفيّــــــــه
ويا ذيب أسألك بأمانه عن ذوي غنـّام الإخـــوان *** إن كان ذقت العشاء منهم عسى كبدك هنيـّه
المدح بين العزيزي والرواشد قســم الإخــــــوان *** تقاسموه النشامى بينهم قسم السويـّــــــــــــه
آلاد وايل ثنوا من دونهم علمٍ بضمـــــــــــــــــــان *** يوم الشتاوى تقافوا والصعوب مرابحيّـــــه




أخوك المحب / أبو مولع

ابو مولع
مشكور على طرح هذه القصيده والله يبيض وجهك
وتقبل مروري وإعجابي بالقصيد

المدح بين العزيزي والرواشد قســم الإخــــــوان=تقاسموه النشامى بينهم قسم السويـّــــــــــــه
آلاد وايل ثنوا من دونهم علمٍ بضمـــــــــــــــــــان=يوم الشتاوى تقافوا والصعوب مرابحيّـــــه

أخوك عاشق هباء

اخوي النشمي

مشكور على البحث عن قصيده تاريخيه

والشكر موصول للباحث ابو مولع لااراد القصيد كامله

اخوك

الطريس