مـرثيه في إبن عمي ذيب الرهيف

مرثيه في إبن عمي ذيب الرهيف

ياعين هلي الدمـع لاتـذخري شــــي = ماعاد في دنياي راحه من اليـــــوم
هلي على من مات لو تفقدي الضـي = ما للنظر لي منك داعي وملــــــزوم
مرحـوم ياللي ماتعــــدى على حــي = ولا فيـه من فعله بِشـر يكـثــر اللوم
مات.. وتوفت عندنا فرحــة الحـي = حتى السعـاده عندنـــا صارت هموم
لو كان عمره قبل مـوته على إيـديّ = لا اعطيه من عمري ويبقى لنا دوم
واكبر عـــزايه يوم شــفتـه بعـّينــّـي = على النعش محمول ونقول مرحوم
حطــوه مطوي ياهلىّ بالكفـن طـّي = وسط اللحد من دنيـته صارمحروم
وهلوا عليه الطين واسقـوه با المي = وعليـه صار القبر مغــلق ومحكوم
وعند الموادع خاطري منكوي كــّي = تسحبني الخطـوات واطيح واقوم
ياعين هلي الدمـع لاتـذخري شـــي = هلي على قبره هماليل ياغيــــــوم

الله يرحم ابن عمك ويسكنه فسيح جناته يالوايلي صح لسانك.......
(حطوه مطوي ياهلي بالكفن طي وسط اللحد من دنيته صار محروم)


ابدعت يالوايلي


وتقبل تحيات
الشمالي

الله يرحمه ويسكنه فسيح جناته

وعظم الله أجركم في ابن عمكم

صح لسانك والله

يعطيك العافية أخوي الوايلي على هالقصيدة الوافية من رجل وافي


جزل يالوايلي جزل


مشكووووووور


كـــُن بخير أخي


أخوك


الفارس

الوايلي

الله يرحم ابو كايد

ويسكنه فسيح جناته ويجمعنا به في جنات النعيم

وقصيدة رائعة كالعادة

تحياتي

الوايلي

الله يرحم ذيب ويسكنه جنات النعيم ويعوضك عنه خير

قصيده جميله ورايعه

الله يرحمه رحمةَ واسعه

وصح لسانك ياالوايلي

الله يرحم ابن عمك ويسكنه فسيح جناته يالوايلي صح لسانك


وصح لسانك على هذه الرائعه

وتقبل مروري

الله يرحمك ياذيب
تذكرت ابتسامته المميزه
الله يبيحه