له وقفتأ كبرى تهزالجبالي

اهداء الي الشيخ

فيصل بن شقير الدويش


ذكرتني ياشـــــقـــير وقــــتن طرالي
وهـــــاضت عليه الذكريات الجميله

فيصل شقير اسمن مع الناس غالي
وفـــــت الشــــدايد لاتـــــدور بديله

له هيبتن لاقــــــــــــام بين الرجالي
زيزوم شيال الحــــــمـــــول الثقيله

اثره فيه رجــــــال مثل الجمــــــالي
اليا ارتكاء للحــــــــمل ضهره يشيله

كل الجــــــزايل فــــــيه قرم العيالي
في ذمــــــــتي قــــليل منهم مثيله

فيه الطـــــــناخه والســــطر مايبالي
شيخأ من الدوشان نــــعـــم القبيله

له وقفـــــتن كبرى تهــــــــز الجبالي
القرم ابو مــــــاجـــــد علـومه جزيله

شوفي بعيني لا كـــــــــلامن يقالي
يوم انتخو به فـــــز واثـــــــمر حصيله

ترفع له البيـــضـــاء عــــلى كل عالي
كـــفـــــو لياجار الـــــحــــــمل يرتكيله

وخــــــتامـــها صـــلـــــــو بذكر الجلالي
على رسـول الله مـــــحــــمــــد خليله