الشاعر/ محمد مريبد

عن اذنكم يالجنـة التحكيـم واغبـط يـا غبيـط=الذيب ما هرول عبـث والعلـم ياصـل منتهـاه
الليلة الليلة حدا ماهـي علـى البحـر البسيـط=غنّيت والشاعر ليـا غنّـى حـداه اللـي حـداه
تعبت يا وقت الشقا من يد نشيـط بيـد نشيـط=لو ان عزمي اكبر من طويـق وجبـال السـراه
خلاّني استعبط مـع العالـم وانـا مانـي عبيـط=وادخل مع الابواب والمطلاع مـع بـاب النجـاه
سلام يا للي ما أبـي دونـك كليـم ولا وسيـط=حقي عليك أكبر من حقـوق الامانـة والوصـاه
ياموصّل حبـال المواصـل بيننـا لوكـان خيـط=طيّب وتفعلها كذا من طيـب ذات وطيـب جـاه
يوم ان ولد اللاش لاضاقت علـى مثلـه يشيـط=عزمك مثل موج البحر والبحـر مايلحـق مـداه
يا بو محمد والبواخر مـن محيـط الـى محيـط=يقفي بها صلف الهبوب اللي على غيـر اتجـاه
كم ليلة(ن) مرّت علـي أعيـد وافـل الشريـط=وانا من اللي يفـارق الدنيـا ولا يبحـث خفـاه
صحيح لو بقـول شـي اقـول ولسانـي سليـط=لكنّي ادرى بعض مشعوبـه تحـت كـم العبـاه
يخيط جرحي فـي الخفـا ولاّ لعلـه مـا يخيـط=ان طابت جروحي عسى وان طوّلـت ماقلـت آه
كـذا عرفـت ان الحيـاة أيـام والدنيـا خليـط=من المآسـي مـا يـدوّن تحـت اقـلام الـرواه
أقدّر الوجه الرضي واسمع عن الوجـه السخيـط=اللي لايذكـر خيـر مـن دونـه ولا يذكـر وراه
واحيط في بعض الامور وبعضهـا والله ماحيـط=حتى شويري في بعض الاحيان ما امشي في هواه
حتى الخطأ وهو الخطأ مهما حصل أمـره بسيـط=أمـا جفـا ولاّ وفـا واللـي رحـل الله مـعـاه
لعل مـرواح الليالـي الماضيـة روحـة مقيـط=ولعل مقبلة الليالي غيـر عـن ماضـي الحيـاه

الشاعر ابن مريبد

تجمعنا على وضح النقا من كل حـدب وصـوب=وكلن يسـرج خيولـه وكلـن يشعـب اركابـه
جعلنا الله من عـدة قبائـل واختـلاف شعـوب=وجينـا للمكـان اللـي عقيـد القـوم غنـابـه
حضرنـا كلنـا اخـوان لاغالـب ولا مغـلـوب=حرار كـل واحـد لا انتهـض عشـاه مخلابـه
احد يكتب على البحر الطويل ويترك المسحـوب=واحد يكتـب علـى بحـر الهجينـي ويتورابـه
واحد يحدي حدا واحد على المنكوس نوب ونوب=يغنيلـه علـى طـاروق شعبـي لحـن وجابـه
سطع نجم وافل نجم وبقى وجه القصيـد ينـوب=وسرنـا والسهـوم مقـدره والـدرب متشابـه
يجمعنا هدف واحد وكلـن لـه نمـط واسلـوب=على باب الكريـم اللـي مشـرع بالسمـا بابـه
هدفنا الشعر ماغيره وبيته هـا هنـا منصـوب=يمر الوقت ما هـزت هبـوب الغربـي اطنابـه
لو انه مر في صورة غريب(ن) عارضه مشحوب=لكنه في وجية اللـي رمـوا بـه كشـر انيابـه
ملاذ اجيالنا لانه بعد شمـس الشـروق غـروب=وتراث اسلافنا حنـا بهـذا الوقـت اولـى بـه
نقدنـا وانتقدنـا واستفدنـا والخطـا محسـوب=وكلن مـن هـذولا بالمواجـه نحسـب حسابـه
لأن النقد شي(ن) سهل والشاعر كثيـر عيـوب=امبركهـا وسـوق الشعـر سوامـه وجـلابـه
لكن اكبـر فخـر اننـا كسبنـا بالحيـاه قلـوب=وقنعنـا والقنـاعـه كـنـز والأذواق غـلابـه
واذا عين السخط تقرا الكلام الصـح بالمقلـوب=مابي عين الرضا تقرا الخطا صايب وترضى بـه
صحيح اني اجابه وقت واكتم سر وارفـى ثـوب=وكثير اللي تنكر لي وانا اللـي كاسـب اعجابـه
لكن حبلي رهاوي والردي حبله معـي مكـروب=واذا يغتابنـي فـي غيبتـي مانيـب مغتـابـه
على الله يالغيوم الراعـده والبـارق المشبـوب=تعدى شـرق وتهـل المطـر وتحـدر اشعابـه
على دارن اسوقلهـا المطايـا وانتهجهـا دروب=وقلبي فيـه شـي مـن الغـرام وشـي ينتابـه
انا ياللي عزمت اتوب عنـك ولاقـدرت اتـوب=بعد سالت بساتيـن الغـلا واخضـرت اعشابـه
قسم بالله لوتدري وش اللـي بالـورق مكتـوب=قصيد(ن) تسمعه دايـم ولاتـدري وش اسبابـه
لتكسب من وراي ذنوب واكسب من وراك ذنوب=وخلـق الله لهـا خوخـه ورمـانـه وعنـابـه
ولايمكن افسر لـك شطـر يالجـادل الرعبـوب=كن صفق مـع العالـم وخـل السيـف بجرابـه
لأني مابني بيوت القصايد طـوب فوقـه طـوب=اذا ماهـوب ضـد التعريـه لايمكـن اشقـابـه
والا ياليت صبري في غيابك مثل صبـر ايـوب=لأنه ما ينقص من غلا الغالـي سـوى غيابـه
عذلني فيك من حاول يغثرب صافـي المشـروب=لكنـي فـي النهايـه رافع(ن)وسطـى وسبابـه

الشاعر ابن مريبد

يعطيك العافيه على النقل الطيب

المشاركة الأصلية كتبت بواسطة سموالقلب

يعطيك العافيه على النقل الطيب

ويعافييييييييييك

كـذا عرفـت ان الحيـاة أيـام والدنيـا خليـط====من المآسـي مـا يـدوّن تحـت اقـلام الـرواه

يعطيك العافيه يا ابن حافل ومشكوور على هذا النقل الجميل لاهنت
وابن مريبد شاعر مبدددع بماتعنيه الكلمه

المشاركة الأصلية كتبت بواسطة سفير المهد

كـذا عرفـت ان الحيـاة أيـام والدنيـا خليـط====من المآسـي مـا يـدوّن تحـت اقـلام الـرواه

يعطيك العافيه يا ابن حافل ومشكوور على هذا النقل الجميل لاهنت
وابن مريبد شاعر مبدددع بماتعنيه الكلمه

لاهنت اخوي على مرورك

بيضالله وجهك على النقل اخوي

وصح لسان بن مريبد عز الله ان شاعر

جزل وشاعر متمكن من التحكم بالشعر

تقبل مروري

[QUOTE=تــــاج العــذارى;8887]و

بيضالله وجهك على النقل اخوي

ياهلاااااااابك تاج

مرورك نور الموضوع

مشكور اخوي ابن حافل بيض الله وجهك
وانا من المعجبين في قبيلة بني عزيز
وكذالك المعجبين بشعر محمد مريبد العازمي

واجمتعو من احب

فمرحبا بالجميع
وبالفعل ما يعرف المميز غير المميزه
فانتم ممن يعطي كل ذي حق حقه
وتقبل
مروري اخوي ابن حافل

هلا والله أخوي ابن حافل

صح لسانك ولسان الشاعر بن مريبد

قصيدة جزلة

سلمت ولا هنت

لا تحرمنا جديدك أخوي

يعطيك العافية

مشكوووووووور


كــُـن بـخيــر أخــي


الــفــارس