مع التحيه لعالي الهمه ( الرد)

اهداء خاص الى الليث

الله مـــن قلــــبا به الـــــــفــكر مـــرتاب = وصدري يفوح من التـوجاد فــوحي
اســــهر وكن بداخل الكــــبـــــد مـشذاب = نامت عيون الناس ونومي شحوحي
لي مـــدتاً اعــذل قـلــبــــــــــي ولا تاب = في غيه الماضي مـشى دون يوحي
على الذي رمــــــى بنفــــســــي للا نشاب = مابه امل وازرية احـــــــقــــق طموحي
دايم خـــــــــياله بالتــــفاكـــــير مــاغاب = فى الـــذاكــــــــره ثابت ابد مــايروحي
لوجيت اوصف صعب في وصفي عتاب = اخفق فــي وصـــفه ولو طال شوحي
ياللــيـــث انا شــعري كتبته من اعــجاب = في شخص هــــــيضني بكثر المزوحي
قـــــــريت شعرك وانتخيبك مـن اسباب = واكــــتب معي وجهة لك بعض بوحي
بالــــقـــــرم مــــن ركز عليك انت ماخاب = هــــــــــون عــــــليه يوم نزفت جروحي

ارحب باالشاعر عالي الهمه
وهذى ردي عسى ان يكون
حاز على رضاكم

حيا الله ابياتن عـلى صـفـحة الواب
مــرتبه ومــوضــحـاتن وضــوحــي

مــن عالي الهمه موجه لي خـطـاب
واللـيــث للغــالـين دايــم نـصــوحي

الله يعـين اللي شـكا فرقا الاحـــبـاب
مــن فارق الاحـــبــاب لازم ينــوحي

قـد سلفت هذا بلاء ابوك ياعـــقـــاب
تال الحياه افراق من عــــصر نوحي

وعن رحمة الرحمان ماقـفـل الـبــاب
ارفـع يـدك واجـنـح لعــفـوه جـنـوحي

شيد صروح الحب واحسب له حساب
اليا ثـبـت سـاسـه يـجـيله ســطـــوحي

ودام الـقـلوب تـحـب مابينها حــجــاب
امع الـوصـال اتـصـيـر روحـاً بروحـي

وانا معك وانعـسفـها لـو هي اصـعــاب
لـو الـهـدف كايد وطــبــعــه جــمــوحي

ان كان يــسـرهـا الــولــي رب الارباب
لابد غــيــث الــوصــل برقــه يلــوحــي

مع تحيات الليث

وعن رحمة الرحمان ماقـفـل الـبــاب *** ارفـع يـدك واجـنـح لعــفـوه جـنـوحي

اخوي : الليث

حقيقه انا انسجمت مع هذه الابيات

صح لسانك ابيات جزله وقويه رائعه

دام لنا قلمك اخوي الليث

ودام لنا شعرك

يعطيك العافيه

المشاركة الأصلية كتبت بواسطة معلا رزن البنيد

وعن رحمة الرحمان ماقـفـل الـبــاب *** ارفـع يـدك واجـنـح لعــفـوه جـنـوحي

اخوي : الليث

حقيقه انا انسجمت مع هذه الابيات

صح لسانك ابيات جزله وقويه رائعه

دام لنا قلمك اخوي الليث

ودام لنا شعرك

يعطيك العافيه

الله يسلمك اخي البنيد

اسعدني مرورك

كل الشكر

بيض الله وجهك وانا قريت اكثر من مره لك ابيات وايقنة بأنك شاعر وسر الى الأ مام والله يرعاك

المشاركة الأصلية كتبت بواسطة عالي الهمه

بيض الله وجهك وانا قريت اكثر من مره لك ابيات وايقنة بأنك شاعر وسر الى الأ مام والله يرعاك

وجهك ابيض ياعالي الهمه

واشيد بشاعريتك واتمنى لك التوفيق ان شالله

صح لسانك يالليث
ما شاء الله ابداع بمعنى الكلمه

ياخوي لاتبخل علينا من هالفرايد

بيض الله وجهك ...


تحيتي لك

هلا وغلا يانايف
صح بدنك
الابداع والفرايد عند ابن معلي
ابشربعزك والشكر على مرورك

نشكر الشعراء كل من الشاعرعالي الهمه والشاعر الليث ابدعو واجادو ونطمع في مثل هذي الفرايد

العفو اخي فخرمطير
اسعدني مرورك
كل الشكر

صح لسانك اخي الليث وعلا شانك

رد جزل من رجل جزل مبدع دائما وابدا

وصح الله لسان الشاعر عالي الهمه قصيده رائعه وجزله