عربين السلايل

أقول مطـير واجيـب الدلايـــل=هل الردات ماضين الفـعـايل
بغيت أسكـت وطوف من تكـلم=يقول الـلـي يـقوله كــل قـايل
لاكـني ما سـكـت عن الخـطايا=فعول أمطير عربين السلايـل
تخلي من يقـول الكـذب يسكت=ليا جاب المزاعم والصمـايل
أنـا مـن دون ربعي ما تهـاون=مـدام الـراس حـيـن مـايـسايل
تـرا ربعي مـطير أهل الحرابه=هل الصولات وافين الخصايل
تحـريت الحـقـيـقـة والـنـوادر=قبـل لا قول واقـع فـلـخـمـايل
حقوق الناس ما أجـهـلها تراني=ولا أجـهـل كـل تـاريـخ الـقـبـايل
لها التقـديـر والتـوجـيـب عندي=بــدون مجـامـلـه وإلا تـحـايـل
لـنـا فـي نجد تـاريـخـاً مشرف=بعـد حـرب الحـجـاز من ألاوايل
ونـهـاراً صار يـوم الحشـورية=هـزمـنـا الـتـرك يـبسين الـبلايل
و نخاولت الـمـديـنـه ساعـدوهم=وعـادو مثـلهـم والـراس طـايــل
مع الـبـاشـه بـتـفكـيره دفـعـهم=يـذب الـدرب وأدمـيـه شـلايل
ومحمل وقعة المصري عرفنا=تواجهـنا وذاق أقـوا الغلايل
يذوق من البـنـادق مـايـذوقـه=ألا يـابـيـه مـا نـوخـذ سهـايـل
وعـلى ركـبه جنود التركـماني=رجع مهـزوم والنكف بالفشايل
وهـل البحرين جونا كيف جونا=بـشـرق بـلادنا جونا فـصـايـل
طردنا هم وعـادو بـالـنـدامه=سمـوم الموت مع حر القوايل
ومـعـزول المديـنه وش حصله=بـن جـمـاز مقـطـوع الحبـايـل
نـحـده لـيـن عـود بالـهـزيـمـه=تعشـتـه الضـواري بالـمسايل
وعلى الـجـهـرا مـلكنا وامتلكنا=يابين النور من روس الفتايل
ودخلنا القصر الاحمر مانفاوض=بعد ما أونـس قـويات الملايل
و عـلى بـريـطانيا وقعت هديه=يـبـون الفوز عدمـيـن العـمايل
يـهــلـون الـقـنـابـل فـوق مـنا=لاكن الله خذل من كان عايل
وترا الوفرا ثلاث أمرار كانت=نـكـاونـهـم عـلى فـك العـدايـل
وقـوات العـراق مـع الـكويـتي=وقوت نـجـد يـوم الـدم سايل
تـراهـا في لبن ياجـاهـلـبـنـه=يشيب الطفل من شوف الهوايل
ونـاصـرنا المـلـك عبـدالعـزيـز=بهـاك العام يوم الصقاط حايل
هبوب النصر لـلـمـطـران عاده=جـديـدا َ فــعـلنـا وإلا ســمـايــل
معـه نمشي على عز و مـعزه=على النوماس مع كسب الجمايل
فـتـوحاتـا َ كـثيره مع مـعـارك=ولا مـعـنـا حـلـيـف ولا دخـايـل
وعلى كـير المـسمى والـمربع= بـهـاك الـيـوم يـصـغر كل طايل
هزمناهم وراحو دون رجعه=تشـوف الـقـوم غـديـنـاَ سـحـايل
وتعرفون العمار وش حصلبه=بــدون مــداهــنـه وإلا مـحـايـل
ثبتـنـا ما يـزعـزعـنا مزعزع=يـا كـثـر الـقـوم مـقـفـيـنـاَ دبـايل
و يـوم هـدان والحاكم يقـوده=معـه سـت القـبـايـل والـنقـايـل
يجر القـوم يـفـرض بـالـرتاعه=تـحـمـا حيل والدبك جاك صايل
وحـنـا بـالـرجال وبـالعـتادي=عـلـى راسـه يـهـلـن الـمـخـايـل
بعد ما شاف موت وحر لاجي=يـقـول الـدرب ويـنـه يـاكـمايل
وسقاك السيل يـاروضة مهـنا=حـصـلـبك كـون روع كل نايل
ولاهي بـأولاَ حنا نـتـواجـه=يعرفنا زين بالظهور الاصايل
وعلى الطبعه يفر الخصم عنا=يروح أجهار وعيونه همايل
صعـا طير الشجاعه و الصلابه=أمتان ضلوعنا ماهي نحايل
مناويخـن ثنيـن وعـشـر مـره=مع الحكام وأكبار القبايل
نطاول بالـحـرابه من يـطـاول=وبعض الناس بعيونه يخايل
و تولـيـنا عـلى منفوحه الـلي=قديم الفعل يطلع بالمثايل
وعلى مشذوبه أقبل ياسعدنا=نهزم القوم لو حنا قلايل
وكونن صار بالـتـاريـخ ذكـره=طرحنا الطائره غصب الوسايل
ويوم القـرن مع وقـعه حـنـيه=نحوش أخصامنا حوش الجوايل
قـليـلاَ مـثـلنا من كـل جـانـب=مطير الراس ما هيب الذوايل
تـكـاونا مـع الـحـكـام وأقـوا=عقول البعض وش فيها هبايل
مع آل سعود والاشراف صارت=وابن رشيد جمعه ماتعايل
وابن صباح مـا يحجد ظفرنا=على هدلان ما أرسلنا الرسايل
و نفـقد فالـمعـارك من جـبـرنا=وروس شيوخ من حد الصقايل
لـيـا صـارت علـيـنا وأرتخيـنا=شربنا الموت مشروب الزلايل
صـبـرنـا وأرتـكـينـا لـلمـهمه=لاأن أجمعونا ماهي هزايل
ولـيا صارت لنا يـاهـم ألالـي=تشوف الخصم بجنوبه دوايل
و ترانا من الحجاز و نجد حنا=مصب الأصل والنساب العوايل
غـطـفــانـي لـعــدانـي تـرانـا=أعراب أجناس من كل السلايل
و بـني المجد ما يكسب تمني=وترا المـاء ما تـغـطيه النـثايـل
بجدنا قوت الحاكـم و جـنـده=من الـحـجـاز لـين حدود وايل
وصـلنا للكويت و شـرق منه=ملـكـنـا أديـار والمـحـدار هــايـل
ولا زلنا وكلاَ فـي ديـاره=من أحسن ما يكون من الفضايل
مـن الـتـاريخ جبنا ما نعرفه=وقـول الـصدق شـاهـد ما تمايل
قـريـت العلم وإلا مـا قـريـته=بـطـون الـكـتـب تـعطيك الدلايل
الشاعر/ علي محمد الجش المطيري

صح لسان الشاعر علي الجش

وسلم نقلك اخي عشق القوافي

مـن الـتـاريخ جبنا ما نعرفه
وقـول الـصدق شـاهـد ما تمايل
قـريـت العلم وإلا مـا قـريـت
بـطـون الـكـتـب تـعطيك الدلايل


اشهد انه جاب من التاريخ الكثير


لا هنت على التقل...

أقول الف شكر للشاعر على الجش على هذه القصيده

واقول الف شكر لعاشق القوافي على النقل

وفي رائي ان هذه القصيده تستحق التثبيت

اخوي عاشق القوافي

بيض الله وجه الشاعر علي الجش

قصيده سطرت امجاد وافعال الاجداد

وبيض الله وجهك على النقل وحسن الانتقاء