دوان الشاعر على عتيق العزيزي

هذي القصيده القاها الشاعر علي بن عتيق العزيزي في حفل تكريم محمد بن حامد العزيزي الذي اقاموه البحاوله بقصر الورود بالسويرقيه

مرحبا ترحيبة الغيث من ندر السحاب=من مزون مختلط برقها وخيالها
بالرجال اللي نحسب لجيتهم حساب=ربعي اللي فالمواقف تعد افعالها
عند ذي حافل هلا00عد ماخط الكتاب = ربعة بالطيبه عالي منزالها
الرجال اللي تذلل صعيبات الصعاب=لنحصل من دون قصر العلوم طوالها
ربعي اللي في الجزيلات دايم ماتهاب=شجرةٍعند اللوازم يضل ضلالها

هذه قصيده سويتها اهداء للعقيد سليمان بن علي السحيباني

حيث غمرني بجمائله وطيبه الذي لاتعد ولاتحصىر

وهذه الابيات لاتفيه حقه حتى لو عملت ديوان له وليعذرني على التقصير

رتبة سليمان بن علي السحيباني=تسوى جميع الرتب من طيب صاحبها
لنه يعز الخوي ومزبن العاني=وجاهته فاللوازم مايشح ابها
يشهر ليا لزومه طير حوراني=يوم الرياجيل ماتدرك مطالبها
في سلم الامجاد الاول مايجي الثاني=قولت نعم من قديمالوقت كاسبها
من صغر سنه على الجزله كحيلاني=رباه عودٍ عليها لين فازابها
اللي بطيبه غمرني لين غطاني=جمايله في من يقدر يحسبها
اقدره مثل قدر ابوي واخواني=النادر الي دروب الطيب قاضبها
حايز على الطيب كله وين ماكاني=باطيب سلوم العرب واشرف مذاهبها

ابيات ارسلتها للشاعر روضي بن وسمي العزيزي

انا كيف اشوفه ياروضي ودونه ناس=حدوني عن المجمول وازريت لا أشوفه
حمسني بوده حمس بنِ على محماس=وقلب العناء قامت هواجيسه تلوفه
قريبٍ بعيدٍ يجلي الهم والهوجاس=يبي شوفتي لكن حاديتة ظروفة
ويفرق جمالة مثل فرق الذهب والماس=جمال وكمال وربي مكمل أوضوفة
جديلٍ على الامتان يلعبة النسناس=يشادي سواد الليل متعدى إردوفة
ذبحني بزين الوصف وعيونة النعاس=وخصرٍ نحيل وضامر البطن سرجوفة
وأنا في رجاء الله وارتجي ماقطعة الياس=يجيب الغضي ويكافي الوقت وصدوفة
وبسند على اللي يكسب الطيب والنوماس=رجال لياجات اللوازيم معروفة
وابا الحل قدم اوضاعنا ياولد تنحاس=وحل القضايا عند شرواك معروفة
وابا الوضع سري خوف لاتدري الانجاس=ونبعى الجواب اللي مكملةِحروفة

رد الشاعر روضي بهذي الابيات

الا ياعلي بن عتيق عسى ما باس =عسى الباس ياذخر المناعير ماتشوفة
قريت الجواب وحس قلبي وان حساس=وقلب المولع فية اشارات معروفة
غدابك هوى ترف القدم زاهي الالباس=عزي لمن يحب العذارى كوى جوفه
انا في هواهن ياعلي مبعد الارماس=وبعض الخطا ياعلي ماهي بمخلوفة
يقولون مايبنى بنايه بليا ساس=بلي قواعد ساس من يبني الطوفة
تشيل الهواء في عروق قلبك وهن يباس=بليا ثراء وايبست عودة وغضروفة
وليفِ يبادلك الغلا بادلة لاباس=ترا السيل ماتروا المعاطيش من شوفه
تراء اصغر مزرايج القطا تتعب القرناس=ولا يطرح القناص صيده بمنسوفة
تراء الصيد له غرة ومختل وله متراس=يضيع جهدك ان كان خطتك مكشوفة

هذي القصيدة ارسلتها للشاعر تركي مرزوق العزيزي

ياراكب من عندنا جيب شاصي=جيب جديد بالحمل مابعد رص
اللي مقامة فزتن بارتقاصي=شبح ماهو صالون ولا مقفص
ماركبوا له خلف بدية قلاصي=ولاشيل بالونشات يشحن ويقلص
ينصاك ياللي في بعيد المناصي=نسل الحرار اللي على الطيب تحرص
ينصاك ياتركي ويلفيك ناصي=ينصاك ويخصك من المحتمع خص
مافوقه الا حاملين الرصاصي=با ايمانهم سرد تقص الهدف قص
اللي لهم بالصيد فن اقتناصي=ولهم بمرتع شرد الصيد مقنص
وايضا لهم ولعه ودايم حراصي=على لحوق الذود في مهمهن حص
في خايعن قد جاء لسيله تناصي=حتى طغى عشبه على القشع وارتص
نبي لنا عشرة بيوت قواصي=متقاصيات القاف والوزن والنص
هات الثمين وخل عنك الرخاصي=غالي الثمن لنبيع برخيص يرخص
ويالله عساك تطيع ماتكون عاصي=حق العصايا مطرقن تو ماقص
ليه يتعمد بالكلام انتقاصي=ويقول من خرجك بالشعر واخلص
وانا صعاب المبهمات اختصاصي=خريج من هو لصعب القاف مختص
وقول الرياجيل الثقات البخاصي=اما تجيب العشر الابيات والا اص

وقد جارا القصيده الشاعر رواضي بن وسمي العزيزي

ياشرد الابيات بيض النواصي=اللي علي في بينهن شصهن شص
اللي نقاهن نقي تمر الاخلاصي=لم الجزيل ومن هزلهن تخلص
واق الطوال وفي المحيطات غاصي=ومن منبع ينبع بهن فصهن فص
عن الشوايب محترصها اختراصي=يطرق مقادم قافهن كل مالص
يوم ارزمن وابهج بدِر العواصي=لين الديود المبهمه مصهن مص
اسرج بقلبي دون داني وقاصي=ودفعت قسمي مثل من يدفع الحص
لو ان انا عارف مداي وخلاصي=ولاني بجيب الخاتم اللي بلا فص
طبعي حرصي اقص درب الحراصي=مع مهمهن فيه السراب يتبالص
والشعر من مادل مبداه حاصي=يتوه في ممشاه من لا تحصص
ونته وتركي قبل يبداء النقاصي=ياويش شي ياكل مازاد ينقص
الله يجنبنا دروب المعاصي=ويدلنا للخير والعارف ابخص

اخوكم علي بن عتيق العزيزي

قصيدة عمي الشاعر عتيق معوض العزيزي والمعروف بـ(عويتق)

يامل قلب محرقه همه احراق=احراق بنٍ فوق نارٍ لهيبه
حماسه اصغى والهواء زاده صفاق=ولع على المحماس حامي شبيبه
وجدي وجود من اونس الكسر فالساق=عقب الطرب يطوي عليه عصيبه
واناقتي يطرب لها كل مشتاق= اللون زرقاء والوصايف غريبه
زينة مقاد ووجها سمح ودقاق=وديسٍ على السيقان ينثر حليبه
حراب اذانيها لياراسها واق=شلف القصار معلقات الصويبه
ظل شعفتها ظل قيفٍ لياراق=يضفي على القارعويصل الحجيبه
ماهي دوينيه ولاهي بمغباق=مجموعة الخلفات والطبع اديبه
تمشي ورا الصياح من دون سواق=تدهش ليل صوت رس الجذيبه
يدها مع الحزم السواء تقل مسباق=مسباق طير منطلق من قضيبه
يشره الرجلي وراها بملحاق=ان روحت مثل الظليم الرعيبه
مابيعها يوم اخذ الطاق بالطاق=وابيع في يدينالعرب واشتريبه
وارعى ها الصالح ليا لاح راق=علم ليا كرر علي تحزبه
ومن حبهن باللي اخليهن اطلاق= واللي يهوز عقلها نهتزيب
وعيب علي ان قيل ماهو بصداق=ولكذب عيب ان الرجال تحكيه
وعقب الحمامه ني زمل ونياق=والذود ماياجب علي اعتزيبه

وهذا ردي عليه رحمه الله

يامل قلب يصتفق فيه صفاق=تقال في ثومة عروقه ضريبه
مما سمع زاد اعبا فيه رهاق=ارهاق حيٍ طاح في قليبه
هفت به الطيه على راس مزلاق=ولو صاحباعلا الصوت ماحد يجيبه
واصبح بوسط الجم والجم غراق=يقنب قنيب اللي عطيب صويبه
امه ترجا كل ماشع الاشفاق=الله يجيبه ليا يطول مغيبه
ماتدري ان الموت في حبل الاعناق=ولااحد يموت الا ليا جاء نصيبه
من الدهر والوقت ياعم منعاق=واللي نواه الله لعبده يجيبه
والله ولي العرش قسام الارزاق=وشيٍ كتب للعبد لازم يصبه
راضين بامر الله خلاق الاشفاق=وامر الولي مافيه شك وريبه
لوانها في يدين ناهب وسراق=نجيبها لو هي براس الضريبه
ونصبحه مع طلعت النور مافاق=عقب الرخاء حلت عليه المصيبه
نتعب وراها لو يبسن الارياق=بالما الاشقر لين يونس لهيبه
ونوكده بالرمي وعيار ماتاق=ونعوقه لين انه يتعب طبيبه
ولعل من لامك قليل بالاوفاق=لين ان تالي الليل يسخف نحيبه
واخذ على قولي عهد ميثاق=اني ماحب الكذب واللي يجيبه