قصيدة الربيع العربي

قلبي وعقلي والاحاسيس ثوار=وقلبك وعقلك كلها بلطجيه
ثورة محب وحط للثوره شعار=شعارها فلتسقط العنجهيه
هذي ثلاث سنين والوضع منهار=وحكومتك بالحكم جارت عليه
وقمعتني واضرمت في قلبي النار=وقمع المشاعر صار لك منهجيه
ولا اقتنعت بكل مافي الدول صار=اعمتك عنها الكبر والنرجسيه
يلي تصاريحك مغر شجب وانكار=عواقب الثوره تجي كارثيه
عينت حسني والزعيم ابو منيار=عقب الزعامه دنوا الهاشميه
ماعاد باقي غيرك انته وبشار=مع فارق التشيبه في ذي وذيه
ثورة دمشق بدعم من كل الاقطار=واعلام واسما ترفع المعنويه
جمة صمود وجمعة الاخذ بالثار=غير انشقاق القوه العسكريه
وانا مالي داعم ولا عندي انصار=لكن رغم ماقلت صاحب قضيه
قضية الثوار يمكن غلا اسعار=ويمكن بعد قضيتن طائفيه
ويمكن عمالة جار ماقدر الجار=ويمكن فقر ويدين فرغا خليه
لكن تبقى ثورتي خلف الاسوار=سري ملف الثوره العاطفيه
وقبل الختام اعطيك تحذير وانذار=الشعب وقفاته تراها قويه
بطوقك وافرض على قلبك حصار=حتى تلين جانبك لي شويه
واياك تنسى كل مافالدول صار=عواقب الثوره تجي كارثيه
واذا نسيت ارجع لنشرات الاخبار=على الله تعدل تعاملك ليه

مع كل امنياتي ان تنال المحاوله استحسانكم
اخوكم فهد بن خالد

قريت القصيده

وعشة الذوق

كل الشكر ياابن خالد

اسجل اعجابي بكم دار مادار
باالشاعر المذكور طيب حميه

صح لسانك واعتلا شانك

الله الله

صح لسانك وعلا شانك اخي فهد

قصيده رائعه وتحمل تصوير في غاية الروعه والرقي

سلمت اناملك على هذا الابداع الغير مستغرب

اخوي فهد بن خالد

قصيده عايشت الاحداث

نص فاخر ومشبع بالجمال

صح لسانك حتى ترضى