طاح الحطب,,, وحلوة الحياة

عادي....طاح الحطب... وانت الحطب ..

المشهد الأول:

وحدة مزيونة بالحيل.. وحبيبة..

بس تخون!!

وش أسوي بجمالها؟؟

بياخذها الزمان وتبقى عجوز..

عادي.. طاح الحطب.. وحلوة الحياة



المشهد الثاني:

سيارة مسرعة.. وتدعس لها واحد.. مسكين هندي..

والعسكري صديق الطايش.. والخطأ نصه على الهندي..

والباقي على أبو الطايش..

وفي الليل.. الطايش يلعب ورقة مع العسكري بجلسة وحدة

عادي.. طاح الحطب.. وحلوة الحياة



المشهد الثالث:

غني وظالم.. يطرد المساكين.. ويستغل الضعاف..

مغرور وفاسق.. ومجلسه عامر..

ومع ذلك يجمع حسنات.. من كثر اللي يسبونه..

عادي.. طاح الحطب.. وحلوة الحياة



المشهد الرابع:

يكد يدرس ويشتغل.. عشان يبني مستقبله..

تزوج وجاب عيال.. ثم تقاعـد..

صار يسكن في مكان.. وأم عياله في مكان..

والسبب العيال..

صار دار المسنين بيتهم ..

عادي.. طاح الحطب.. وحلوة الحياة



المشهد الخامس:

تغازل وتأخذ أرقام.. وتطلع مع هذا.. وتواعد ذاك..

ويوم طاح الفأس في الرأس.. بكت..

وراحت تشكي لأمها غدر الزمان.. طبطبت عليها وقالت:

ولا يهمك.. سفرة لمصر.. وشوية سيولة وترجعين بنت..

عادي.. طاح الحطب.. وحلوة الحياة



المشهد السادس:

مرفوع الكفن أبيض.. وصاحبه وسط البياض..

بعضهم يبكي.. وبعضهم عادي..

دفنوه.. وتبكـبكـوا شوي..

وآخر الليل سكارى..

عادي.. طاح الحطب.. وحلوة الحياة



المشهد السابع:

ملتزم.. يصلي كل الفروض..

وإذا تعب.. فاتـته صلاة الفجر.. وإذا شبع راحت صلاة العصر..

وعنده دش.. ويكذب كثير.. وإذا صحا الصبح.. مشط اللحية

عادي.. طاح الحطب.. وحلوة الحياة



المشهد الثامن:

قارورة ماي.. ما تضره.. طايحة في السيارة

يناظرها بغضب.. زعلان منها.. فتح الشباك.. ورماها وسط الطريق..

وإذا اجتمع مع الشباب قال: متى بنـتـحـضـر؟؟

عادي.. طاح الحطب.. وحلوة الحياة



المشهد التاسع:

أهم شي الثوب نظيف.. والغـترة مكوية..

والقلم ماركة.. والساعة تضوي..

والنعال جلد.. والسيارة عجب..

و تلفونه ما يسكت.. إما بنات..

أو البنوك تبي فلوسها..

عادي.. طاح الحطب.. وحلوة الحياة



المشهد العاشر:

سطحية.. و مغرورة.. غبية.. ومتكبرة..

وياريتها حلوة.. تبي زوج مواصفاته:

ما يقول "لا".. ويكره الاستراحات

لازم وسيم وأنيق.. ومتعلم.. ودخله ممتاز ويحب السفر..

و بعد سنين.. تلاقي نفسها في الإنترنت..

تدور واحد يقبل بها..

عادي.. طاح الحطب.. وحلوة الحياة



المشهد الحادي عشر:

فتح الكمبيوتر.. ودخل المنتدى.. وكلامه ما يتعدى
"إن الموضوع روعة ورهيب"

وهو ما قراه ولا يعرف منو كاتبه..

بس يبي يزيد المواضيع موضوع .. ويزيد همومنا هم..

علشان يصير صاحب الألف موضوع..

و يتميز.. والمشكلة إنه يتميز..

عادي.. طاح الحطب.. وحلوة الحياة



المشهد الأخير:

الكذب إثم.. ومع ذلك نستخدمه

و ندري إن هذا حرام.. ومع ذلك نجربه

نتذكر السهر والفرح والسفر..

و ننسى الجالسين على أكتافنا..

و نتناسى إن معهم كتاب يسجل أفعالنا ونوايانا..

كل شي محسوب.. حتى النظر..

نسينا إن ورانا يوم.. علاماته قربت..

ومع ذلك كلنا ناسين..

أن بقيت على حالك تتناسى.. لازم تعرف إن:

ذاك اليوم ليس بيومٍ عادي..

وأنت الحطب.. ولا يوجـد حيـــاة!!

الله عليك ولله درك على هذا الموضوع النادر يا أم النوادر

ذاك اليوم ليس بيومٍ عادي..

وأنت الحطب.. ولا يوجـد حيـــاة!!

اللهم ارحمنا برحمتك يا أرحم الراحمين

عطر الياسمين مشاهد رائعه وفيها من العضه والعبره

شكراً على الطرح

تحيتي

الح ـب حاكم ـني

سلمت اناملك على هذا الطرح الجميل

مع الاخذ بان اغلب الحطب الذي ذكرتيه من النوعيه الغير جيده

هناك انواع جيده وممتازه وماذكر ماهي الا نوعيه قليله او فئه قليله والتي بدورها لاتؤثر على الاغلبيه

ويجب الاستفاده مما وقعوا فيه وتجنبها

الله يسعدكم.
سمو الذات. حلوه أم النوادر أعجبتني
الحب حاكمني. العزيزي المغترب. مروركم شي حلو

موضوع يطرح فئات من المجتمع وتشكرين علي الطرح

والله يعطيك العافية

وتقبلي مروري

طرح رائع
اختي الرائعة في طرحك

المشهد التاسع:

أهم شي الثوب نظيف.. والغـترة مكوية..

والقلم ماركة.. والساعة تضوي..

والنعال جلد.. والسيارة عجب..

و تلفونه ما يسكت.. إما بنات..

أو البنوك تبي فلوسها..

عادي.. طاح الحطب.. وحلوة الحياة

ماأروع المشاهد والأروع الذي قام باحضار وإخراج المشاهد لنا
تسلمين يالغلاء دايم ذووق ودايم تميز
الله لايحرمنا طلتك وجديدك