وشلون محبك ........... مع بونشاك

07-23-2010, 01:40 AM

--------------------------------------------------------------------------------

وشلون ما احبك ولا عدت مغليك

بسم الله الرحمن الرحيم
السلام عليكم ورحمة الله و بركاته

وشلون ماأحبك ولا عدت مغليك
............... وانت الدوا لـ انسان دونك يعاني

وشلون رحت وكل صوتي يناديك
............... ياهيييه اسمعني ترى العمر فاني

ماقلت لك من قبل ماني مخليك
............... ياكيف تنساني ــ وقلبك نساني ؟

كتبت لك في صدر الايام ... ابغيك
............... وكتبت لي :.. خلاص غيرك خذاني

حتى جدار الصمت لو التفت فيك
............... بكيت من صمته .. وضيق الثواني

عشقت كل لحظات عمرك وماضيك
............... ومعك : عرفت ان الأماني .. أماني

وسويت لك في داخلي شي يرضيك
............... وان كان مايرضيك ؟؟ ... سويت ثاني

نزعت فرحت خاطري .. ليت تكفيك ؟
............... وزرعتها في داخلك .......... ماكفاني

ضحكت لك وآنا من الحزن أسليك
............... وحبست دمعي لجل أقدم حنانــــــــي

وصديت وقت الضيق .. مابيك مابيك
............... تشوفني أضحك .. وأنا اللي أعاني

ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني

قد قلت له : مقدر أفارق وأحاتيك
............... وقد قلت له : هـ البعد ياما كواني

لكن حسافه كل صوتــن يطريك
............... ياما معا نفسي ذكرتك .... أغاني

بـ ايديك كل اللي حصل اييه بـ ايديك
............... بديت احسك شي ... خااارج زماني

ودامك زرعت انسان غيري بـ أراضيك
............... فـ أنا ماحب يكون غيري ..... مكاني

بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني

في خاطري كلمة < ويمكن > تبكيك
............... ابيك تسمعها / . دقايق عشانـــــي

لو الزمن يعطيك - ماهوب معطيك
............... شخص يحطك بين عوج المحاني

best regads

بونشاك · 07-23-2010, 12:19 PM

لو الزمن يعطيك - ماهوب معطيك
............... شخص يحطك بين عوج المحاني

الله عليك وعلى الوصف ياشاعرها

بونشاك · 07-23-2010, 08:45 PM

لو الزمن يعطيك - ماهوب معطيك
............... شخص يحطك بين عوج المحاني

الله عليه هذا البيت

اوسمتي · 07-24-2010, 10:29 AM

صح لسانك اخي الغالي

اوسمتي · 07-25-2010, 04:12 AM

حتى جدار الصمت لو التفت فيك
............... بكيت من صمته .. وضيق الثواني

عشقت كل لحظات عمرك وماضيك
............... ومعك : عرفت ان الأماني .. أماني

وسويت لك في داخلي شي يرضيك
............... وان كان مايرضيك ؟؟ ... سويت ثاني

Thank you

بونشاك · 08-03-2010, 02:48 PM

الله اكبر صح لسان شاعره وناقله لصفحات المنتدي بيات من صميم الاعماق شكرااااً

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات