كل يعود لاصل جده ومرباه .. راع الشرف يشرف والنذال يهبون

إليكم قصيدة من قصائد الأمير خالد الفيصل





..كـلٍ يعـوّد لاصـل جـدّه ومربـاه
راعي الشرف يشرف والانذال يهبـون
..الفْرع مـن عـوده شرابـه ومسقـاه
والحنظلة مـرّه ولـو تشـرب مـزون
..الطّيـب كايـد والمناعيـر تـقـواه
والهون هيّـن تدنـع النفـس وتهـون
..ناسٍ على كسب المراجـل مضـرّاه
وناسٍ على كسـب الفشيلـة يضـرّون
..هذا على وضـح النقـا كـل ممشـاه
وهـذا الـى شافـوه ربعـه يصـدون
..لا تامن الخوّان لـو زخـرف حكـاه
من خان بك مرّه يبـي باكـر يخـون
..لا تامن الخوّان لـو زخـرف حكـاه
من خان بك مرّه يبـي باكـر يخـون
..وافطن افطن ترى زول الرّجاجيل توّاه
كم واحـدٍ يعجبـك زولـه وهـو دون
..يا طيّب الشارات مـن يـوم منشـاه
احذر عـدوّك لايغـدرك علـى هـون
..ترى عـدوك غايتـه فيـك ومنـاه
يزرع بصدرك من قنا رمحـه طعـون
..والّلي رضـع لبـوة عـدوّك توقّـاه
الجـرو ولـد اللبـوة الّلـي تعرفـون
..للطّيـر يالصقّـار بالرّيـش مغـواه
ا لجاهل الّلي باكثـر الريـش مفتـون
..للحُـر والشبـوط ماكـر ومجـنـاه
والفـرق بالافعـال لـوهُـم يطـيـر

وسلامة روسكم

..ترى عـدوك غايتـه فيـك ومنـاه
يزرع بصدرك من قنا رمحـه طعـون

رائعة من روائع خالد الفيصل

تسلم أخي عاشق هباء على هذي القصيدة

وناسٍ على كسـب الفشيلـة يضـرّون
..هذا على وضـح النقـا كـل ممشـاه

انشهد انها جابها الفيصلي يعطيك العافيه يا عــــــــــاشق

فجر

صح الله لسان الشاعر

اختيار رائع اخي عاشق هب

تركي سعود

تشرفت بمرورك المميز

فجر
شكراً لمرورك الجميل

صح بدنك أبو وليد
وعدل ردك
وتشرفت بمرورك المميز