محصنه

ياجماعه فكروا بمحصنه وش تقول
--------------------------يوم ارسلتلي مراسيلن على نتها
تقول منته بلا صاحي ولانت مهبول
--------------------------هي ارسلتلي وانا والله ماشفتها
الفرق ياناس بنظار البشر والعقول
--------------------وكم سلعتن عند راع السوق ما سمتها
مانتي بقد الجمال اللي تشيل الحمول
----------------------------وانا لامن بركت لحملتي شلتها
يا محصنه للمشاكل عند مثلي حلول
--------------------------كم كلمتن ما تجي بالعقل حللتها
وكم واحدن قلبه اسود والكلام معسول
----------------------هرجة مجالس مابين الناس لاحظتها
انا عشقت الغزال اللي يقول ويطول
---------------------------اللي على شانه الابيات لحنتها
والحب وهبه من ايام النبي والرسول
-----------------------------ولو المحبه دناعه كان جنبتها
ومن حب يقدم على الصعبات عرض وطول
---------------------------ولا عد الايام جمعتها ولا سبتها
سهام بالاسم الاول بان قدم الزحول
-------------------------قدام لجنة هل المليون شاهدتها
بالهرج قدامهم تصول وتجول
-------------------------يا ويلك ابن صفوق انكان خالفتها
فيها الشجاعه وزين وفوق ذلك فضول
-----------------------هاذلي وصايفك لاهل العرف بينتها
من لامني يا عسى به شدتن ما تزول
---------------------------يذوق مر المحبه مثل ما ذقتها

صح الله لسانك

يـعـطـيـكـ آلــعــآفــيــه

مشكور اخوي على هالمرور

لا عدمتك

يعطيك العافية
صح لسانك

لكم مني خالص الود

صح لسانك وعلا شانك

مشكور اخوي خالد

اشكركم جميعا

لا عدمتكم