عزالحياة بمهونة لاتهقواها

قصيده لشاعر الجزل

سليم بن محيا الطلاحبي العزيزي

ياعادل الناقصه ماني بتابعها=ولاني من اللي الياجاته تهقواها
اشيم النفس عن شي يسمجها=وادرا زراها عشان الربع وارفاها
ماتلحق الناقصه ياكود صاحبها=اللي على الشين نفسه يتعب خطاها
خله يدور زبانيتن تلقفها=كم من بهيمه الياجاته تغناها
خل المباديل عنك ولاتعالجها=مايعيب العايبه ياكود ممشاها
والمرجله من مجالس جدك أرشفها=عود على الطايله يمناه ضراها
وعمانك اللي تعجزمن يعاندها=كم واحد المرجله منهم تهجاها
يعنك من جدهم جدك تورثها=عساه للخلدعود درك رشاها
التايعه خلها واحذرتكمحها=يعنك نقالها ليموت برداها
والناس واجدمنزحة قرايحها=مثل العدود العذيه ينشرب ماها
الأوله لالفت من خبث نسفها=ونقول عدي ولاكنا سمعناها
والثانيه ننذراللي جا يدردحها=ونسقيه طعم المراره ونتلافاها
والثالثه لاورب البيت لدمرها=على علابيه لين يحس شلفاها
عبره لمن رادفه والي بغاربها=حتى أنها تجفل الكلبه على حماها
هذي علومي على وضح النقى خذها=عز الحياة بمهونه لاتهقواها
واهل النميمه لحاهاماتكرمها=ووجيهاسودنقل الحكي غطاها
والتايهه والله اني ماتتبعها=ولاني من الي الياجاته تقفاها

الشاعر /

سليم بن محيا الطلاحبي العزيزي

اخوي
راعي الوله

أولا استأذنك في نقل القصيدة إلى منتدى شعراء القبيلة والأعضاء وتنسيق القصيدة يالغالي

وصح الله لسان الشاعر الجزل

سليم بن محيا الطلاحبي

وبيض الله وجه

ونطمع في المزيد منك ومن سليم اخوي راعي الوله



كل الشكر لك اخوي علي هذه النقلة الطيبة

اخوك

واصل بن عزيزي

قصيده جزلة
.
تستحق القراءة والتمعن فيها
.
شاعر جزل
.
واخوي راعي الوله جزل في انتقاءه
.
وفقك الله
.
حسين2006