الشاعر شليويح المطيري والشاعر خلف بن هذال العتيبي

الشاعر شليويح المطيري والشاعر خلف بن هذال العتيبي

شليويح


بنت ابوزيدالهلالي عافت العشاقه
مايفك اشكالها الامن يفك التالي
ياخلف هذال لاتحسب مهرها ناقه
ميرماتعرفك لوقالواخلف هذالـي




خلف هذال



بنت ابوزيدالهلالـي مهرهامااطَّّّّّّّّاقـه
مايطيق المهرغيرانته سوقك غالـي
انت مثل اللي يشيل الملتوي في ساقه
مايعرف ان الجمل يجزع من الجمالي




شليويح



كان لدت فيك مره عينهـا سراقـه
لاتحاول لوفعلك عن ميـة خيالـي
النظر ماهو بيمك نفسهـا تواقـه
مير لاتشعب بعيرك وسط ربع خالي




خلف هذال



المعاني يالمطيـري للرجـال اذواقـه
وانت ماذوقتهم من مصطكاك الحالـي
وان دخلت الباب خله لي وصك الطاقه
الزمان يحك جنبك وانت مثل امثالـي




شليويح



العرب مايرغبون الصحبه البراقـه
كودرجـل خابرينـه للعقدحـلالـي
وانت لوجبت العسل بيديك ماله فاقه
خابرين اللي يباه الصاحب العسالي




خلف هذال



انـت ياهذاالمكينـه ابرتـك دقاقـه
شكلها شكل غريـب ولونهايحلالـي
يامطير ان كان في بعض العرب بواقه
احرصوالاتنقصون الكيل والمكيالـي



شليويح



اشرب الماء ياخلف من جمة الرزاقه
ماعليك الابدلـوك لاتطـق الجالـي
ياوسيع العرف لاتنزل علي المطراقه
المخايـل فـي سماهاوبلهاهمـالـي




خلف هذال



انت والمعاني ياابو مطلق قدر وطباقه
ماكل الخامر وفالك مايوافـق فالـي
مزهبك زايد وملحك مايريـد الحاقـه
والحراره زايده والدم ضغطه عالـي

مشكور يا ابو ماجد
على النقل المميز
وفقك الله

تقبل مروري ابو ماجد

لك تحياتي

شكرااا

ابو ماجد

محاورة رائعة