من يلوم اللـــيـــث

ياغـزالن شـفـتـها وســط المدينه
ماتربت بالـقـــرى ولا الصحاري

بالــمــدينه عـــايــــشه ومـدلعينه
ماتسوق غير في مول الصواري

لعن ابو حــيه يســلهــم لي بعينه
حارت الاقــدام وقــفـت اظطراري

واقبلت واخـــذت رقمه مـن يمينه
وسط خلق الله مـن يمين ويسـاري

قـلبي اللي من بـعـــدها الله يعينه
كل يوم يراجــع بقــسم الطـواري

بالحرس والعسكري ومخططينه
وكل مستشفى حكومي مع تجاري

مايفيد الطــــب مـــن كثرة حنينه
خل محبوبك عـــلى قــلبك يداري

مـن يلـوم اللــيث جعـل الله يهينه
طــول ليله ســاهــر يهل العباري

يالهنوف الليث حذرى تزعلينه..

ليثنا فالحب مبلي وانتحاري..


صح لسااانك يالليث مبددع بشويش على الغزل ههههه

دمت متألقااااا

فرصتن باالعــمــر يانايف ثـمنيه
كيف اسوي يابن معلي بالحباري

صح بدنك هههههههه ابشر طال عمرك
اخوي نايف
اسعدني مرورك وننتظر جديك بشوق
وتقبل ارق واعذب التحايا ياشاعرنا المميز

ههههههههههههه
رائع اخوي الليث
بس ترى بنات القرى والصحارى اطيب من بنات المدينه بعيد لانهن على الفطره وعلى خلقة الله بدون اي تدخل
مثل السياره الي ما سمكرت هههههه بس اني اخبرك راعي صنف ما تنغر في شي

صح لسانك وطاب مقامك

ههههههه
هي اصلها من القرى والبراري ولكن تربت في المدينه
ههههه حسب المعلومات وبعد تقصي الحقايق
اخي واصل عزيز
اسعدني مرورك وتعليقك الرايع دمت لنا بخير وتقبل ارق تحياتي

على الديار المسنيه رشرش الغيث
والمال من راعيه جاء من يسومه

رمش العيون الناعسات اقنع الليث
الله يلوم اللي يانايف يلومه

اخوي الليث

كثيرين ضحايا نجل العيون ومن يلومك اكيد ماجربها

هاضني طاروقك وحلو تصويرك للموقف صور جميله ورائعه

انت شاعر متمكن لكن مقل ياليت تروي عطشنا وذائقنا الشعريه

المشاركة الأصلية كتبت بواسطة رويضي وسمي العزيزي

على الديار المسنيه رشرش الغيث
والمال من راعيه جاء من يسومه

رمش العيون الناعسات اقنع الليث
الله يلوم اللي يانايف يلومه

اخوي الليث

كثيرين ضحايا نجل العيون ومن يلومك اكيد ماجربها

هاضني طاروقك وحلو تصويرك للموقف صور جميله ورائعه

انت شاعر متمكن لكن مقل ياليت تروي عطشنا وذائقنا الشعريه

اخي الشاعررويضي
اشكرك على طرح الابيات
واشادتك وسام على صدري وشهادتك
افتخربها واتباهابها تحيتي لك

مانجت الكاذب صلاف التحانيث..
ولاكل من علمك تاخذ علومه...
اشوف يابو نايف الليث من حيث..

ماهب نسناس الغضي طار نومه

المشاركة الأصلية كتبت بواسطة نايف معلي العزيزي

مانجت الكاذب صلاف التحانيث..
ولاكل من علمك تاخذ علومه...
اشوف يابو نايف الليث من حيث..

ماهب نسناس الغضي طار نومه

مرحبا بشاعرنا نايف
مانعد الا الصحيح طال عمرك
كل الشكر على مرورك وردك لبونايف

استاذي الليث

صح لسانك

اختزال العالم في شخص والجمال في منظر توحي باكتمال السيطره

تضامنا مع قلمكم الشامخ الذي جسد المعناه كان لابد من مروري هنا لاشاطركم ذلك

القلوب اتحب وخطاها سجينه
ولا معين ولا مجيب ولا مثاري

وادري ان الليث مابيح كنينه
غير عنقاء حبها بالدم جاري

وصفة الدكتور ماتبري ونينه
لأن ماللحب دكتور استشاري

لكن العاشق يداونه سنينه
عقب تاسع حول باذن الله باري

اتمنى لك الشفاء العاجل