ياليت عندي في رصيدي ثمانين

ياليت عندي في رصيدي ثمانين

ياوجد حالي من عنا الحال وجداه

لا ماشي(ن)حالي ولا خالص الدين..

ولحدن يحس بحالتي والمعاناه..

استر عن الادنين واضحك للاقصين..

والقلب ياحرّه من الهم حرّاه..

ماعندنا في حسابنا الا ريالين..

ولا عندنا اللي ينعناله وننخاه..

يوم الزمان الصلف ياخذ على حين..

غره ..وسيفه تستلم منه شلفاه.

ما ابغى الغنى الزايل ولا ابغى ملايين..

ابغى لا نادى داين اقول له هاه..

اهل المواقف واللوازم قليلين..

يمناك تتعب ما تسلم بيمناه..

يارب حنا لك ضعوف ومساكين..

وانت الكريم اللي جزالن عطاياه..

يارب حالي ما يسر العدويين..

افرج عليه وناوله ما تمناه..

يارب ماصفوا جموع المصلين..
يارب ما عطّر على ذكرك افواه..

يارب ماقالوا ملايكتك امين..

يارب عبدك واستجابتك لدعاه

تكالبت فوقي وياربي تعين..
ماعندي الا اقول كل شي على الله..

ما ابغى الغنى الزايل ولا ابغى ملايين..

ابغى لا نادى داين اقول له هاه..

صح لسانك اخي الشاعرنايف المعلي
يستر دينك راقت لي الابيات
وقمت اجره على اجمل الشيلات اكثر من مره
درر غيرمستغربه من شاعرنا المميز والمبدع

نايف بن معلي العزيزي وننتظر منه المزيد

شاعرنا المتجدد نايف بن معلي

الله يرزقك من واسع رحمته

والله يستجيب دعائك انه سميع الدعاء

صح لسانك بحجم السماء ومداد الكون

تكالبت فوقي وياربي تعين..
ماعندي الا اقول كل شي على الله..
الله كريم وصح لسانك

الليث,,, يامرحباا يالقرم وجودك شرف لي واعتز فيك كثيرااا لاهنت يالغالي

الطريس.... حياك الله ومرورك فخر ويزيدني شرفاا,,,, لاهنت

البتار.... حضورك هنا عزه لي وتواجدك زاد متصفحي اشراقا لاهنت

اهل المواقف واللوازم قليلين..

يمناك تتعب ما تسلم بيمناه..

يارب حنا لك ضعوف ومساكين..

وانت الكريم اللي جزالن عطاياه..
ونعم بالله
صح لسانك واعتلا شانك

صح اللسااانك وبيض الله وجهك
واســــأل الله ان يستجيب لدعااائك ويقضي حاااجة كل محتاااج

فخر مطير.... صح لسااانك وحضورك شرفني كثيراا لاهنت

ابو ياسر .... تسلم يالغالي ومرورك فخر لي ومعزه لاهنت

احسنت يا نايف
أعانك الله
وسدد دين كل معسر
وكل شئ على الله
صح لسانك

صح لسانك شاعرنا
اجدت التجسيد والابتهال وعنزتها على قوي وقدير

اقف عند هذا البيت
ماعندنا في حسابنا الا ريالين..
ولا عندنا اللي ينعناله وننخاه..

ارى ان فيه خيبة امل كبيره لمحيط مفتوح لم تحدد قطره


ربما نظرتك اشمل فلم اتمكن من الاستيعاب








اعذب تحيه