من عز نفسه يالسنافي وجدها

أخواني زوار واعضاء هذا المنتدى الرائع عودة لكم بعد انقطاع
دام فترة ليست بالقصيرة وهذه عودة لي من جديد لأن هذا المنتدى هو الملجأ الذي سأوئ إليه كلما
أتاحت ظروفي ذلك
لكم كل التقدير لكم ماكتب قلمي::

ياصاحبي لاتشتكي لي من طعون=سود الليالي والدروب وعقدها
خل صبورٍ والمثل به يقولون= من عز نفسه يالسنافي وجدها
لاتبين أنك من شقى الوقت مغبون=ولياأدمعت عينك تمنى رمدها
لاتبدي اللي بخاطرك كان مكنون=ألا على اللي فزعته تعتمدها
دنياك كم فيها من الناس محزون=كم واحدٍ عينه شكت من سهدها
دنيا تضحك عين وتبكي عيون=دنيا وتلقى المر يسبق شهدها
بعض الليالي لوتجي لك على الهون= سود الليالي ماتوفي وعدها
ولافيه دارٍ ترجي الغيث ومزون=ألا بحكم الله يزلزل رعدها
ولاترجي ألا من له الناس يرجون=اللي رفع سبعٍ بليا عمدها
اللي خلق كل شي في كافٍ ونون=ناسٍ رضى عنها تذوق لسعدها
وعليك باللي فكل لحظة لك يصون=أبوك وأمٍ عشت طفل بمهدها
برٍ بهم ينجيك في يوم يحصون= كل البشر تحصى ويحصى عددها
وعليك برجالٍ على الطيب يمشون=وأبعد عن اللي خوته ماتحمدها
الرجل رجل بكل كلمة ومضمون=نفسه قبل كل البشر ينتقدها

صح الله لسانك ياشاعرناحفيد خوي الذيب وقصيده جزله وجميله
ودمت بخير

الرجل رجل بكل كلمه ومضمون

نفسه قبل كل البشر ينتقدها

صح الله لسانك على القصيده الجزله 0000 تقبل تحياتي

عاشق هبا
صح بدنك
وشكرا على مرورك العطر هنا
دمت بخير

نايف الطلاحبي
صح بدنك لاعدمتك
مرورك نور متصفحي ويشرفني
تقبل تقديري

صح لسانك اخي الغالي

قصيدة رائعه من شخص رائع

الله يعطيك العافية أخوي حفيد

بس فيه خطا أملائي

خلك صبور والمثل به يقولون

وقصيدة رائعة وتقبل مروري

حفيد عامر خوي الذيب

مرحبا بك ومسهلا والله بك
وحياك الله أيه الغالي المميز , وانت في قلوبنا وما تركته في طيات هذا المنتدى من ابداع باقيه في اذهان الجميع مثل ما انت باقي , ومدام للتميز والجزاله الشعريه في هذا الصرح جمهور ومشجعين فانت اول من يعجبون به ويشجعون لانك المميز الجزل ولأنك ابن العم الوفي


أخوي تركي انت جزل بما تعنيه الكلمه وانا من اشد المعجبين بكلماتك


صح لسانك وسلم بنانك


تقبل تحياتي وخالص تقديري


واصل عزيزي

صح لسانك أخوي

وقصيدة مميزة بالفعل وجاء طول نفس البيت ,من خلال المدود متناسب ومحتوى القصيدة

بارك الله فيك , واختيار موفق بالمعاني 0

أخوي فيصل
شكرا لمرورك العذب
وملاحظتك صحيحة والحرف سقط سهوا
تقبل تقديري