ديرة الاجواد

قصيدة تعبر عن موقف حصل من بعض الاخوان هداهم الله

دار ما فيها للأجاويد منزال=ماني بأقرب بابها ولا عتبها
أشوم وابعد عن هل القيل والقال=وأشب ناري قبل أزود حطبها
يا معرب الجدين والعم والخال=جنب علوم أهل الردا واجتنبها
والله يسوي لأمر ويزين الحال=ونساير الدنيا وكثرة عجبها
أنا أدري ان المرجله حملها مال=على الرجال اللي عريب نسبها
والخوة اللي تبهج وتشرح البال=أنا آعرف دروبها وآحسبها
وإن كان عاداني خويي ولا زال=يدور الزله علي ويحسبها
أقوم له وآقف وأحده على الجال=وان فتلت سود الليالي شنبها
هذي خواطر شاعر طال ما قال=وكل العلوم الطايله يكتسبها

كفوووو تقوول وتطوول

صح لسانك يافهد بن محمد

وأهلاً وسهلاً بك بينا وان شاء الله أنك تفيد وتستفيد سعداء بتواجدك

تحيتي لك
الح ـب حاكم ـني

صح لسانك اخي فهد

يابو محمد نعم يانسل الابطال
هذي عبارة ليث بيده كتبها

الحب حاكمني

مافيك قصور

وصح بدنك

العزيزي المغترب

صح بدنك

الليث

ماعليك زود يالذيب

يافهد وش بك ضايق الخلق والبال=هون على مافيك واترك نشبها
فل الحجاج وبين الدرب لازال=وسامح بزلات العرب واحتسبها

عالي الهمة

حياك الله

وصح لسانك

صح لسانك يافهد

ولاتحرمنا جديدك

تحياتي لك