أعضاء منتدى بني عزيز في ضيافة قوافينا الشعريه

السلام عليكم ورحمة الله وبركاته
صباحكم ندى كـ أرواحكم العذبه
مساءكم سعاده تغمر حناياكم



احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
منتدى بني عزيزالرسمي
وفي كل مره
سيكون في ضيافة همس القوافي عضو
سنبحر معه لننتشي عذب المشاعر وأروعــها
ونستمتع بعذب ذائقته الشعريـة
و يمتعنا بروعـة اجاباته على الاسئلـة التاليه

1- مامدى علاقتك بالشعر ؟!!
2- من هو شاعرك المفضل ؟!!
3- اعضاء في منتدى بني عزيز تثق في ذائقتهم الشعرية ؟!!
4- بيت شعر يحضرك دائما ؟!!
5- قصيده تعدها من اروع القصائـد ؟!!
6- اذا لم تكن شاعر .. هل لك محاولات في كتابه الشعر ؟!!
7- لك مساحه بلآ حدود امتعنا بقصيدة على ذوقك ؟!!
8-بيتين تهديها لمنتدى بني عزيز؟!!
9-بيتين أعجبتك لأحد شعراء المنتدى ؟!!

سوف يكون أول من نستضيف هو..

المتألق : العزيزي المغترب
تفضل وامتعنا بذوقك العالي
وراح يختار كل عضو اللي بعده

أخي الغااالي

عااشق هبااء

سلمت لناا أناااملك

موضوع مميز يهتم بالشعر والشعرااء

ولعلنا نبحر بالجديد مع نجووم منتديا بني عزيز نجماً بعد نجم


ولعلنا نبحر مع أول نجومنا

العزيزيالمغترب


فليتفضل مشكوراِ


دمتم في حفظ المولى

1- مامدى علاقتك بالشعر ؟!!
قوية جداً لأبعد حد حيث انني متذوق للشعر واقف عند القصيدة طويلاً اذا كانت تلامس أحساسي

2- من هو شاعرك المفضل ؟!!
جميع الشعراء بدون استثناء انا لا يهميني قائل القصيدة اكثر من القصيدة نفسها

3- اعضاء في منتدى بني عزيز تثق في ذائقتهم الشعرية ؟!!
عاشق هبا و الرهيف

4- بيت شعر يحضرك دائما ؟!!
ولربَّ نازلةٍ يضيقُ بها الفتى *** ذرعاً وعندالله منها المخرَجُ
ضاقت فلما استحكمت حلقاتها *** فٌرِجَت وكان يظنُّها لا تُفرجُ

5- قصيده تعدها من اروع القصائـد ؟!!
كثيره جدا لكن هذه القصيده لها وقع خاص
للمغفرله ان شاء الله الملك فيصل

يامل قلب كل ماجا الليل جاه خلاج=يلوج ويجتلد بالصدر والعربان ممسيني
أنا متحير مدري عن المدخـال والمخراج=ألا واعمس رايي مالقيت اللي يقديني
الا يامجيب دعوة من تـصافق فوقه الامواج=أنا بحماك ياوالي الخلايق لاتخلينـــــــي
الا ياوجد روحي وجد من خلــوه بالمسهاج=كسير الساق بنحور المعادين المغليني
إلا من دك هوجاسي ولو انــي على ديباج=ولو جالي جميع البيض غيره مايسليني
الا واهني مخلوق يفرج ضيقتـــــــــه لاداج=إلى منه دخل بالسوق غاد له ميادينــــــــي
ترى بعض العرب عمله بروحه مثل عمل سراج=يضوي للعرب والنار في جوف المسيكيني

6- اذا لم تكن شاعر .. هل لك محاولات في كتابه الشعر ؟!!

نعم لكن قليله جدا

7- لك مساحه بلآ حدود امتعنا بقصيدة على ذوقك ؟!!

سر ياقلم مالي على الصبر طاقه= صبري تعدى الحد ماعاد ينطاق
أكتب لمثلي قصته واشتياقه= في خطك الواضح على بيض الأوراق
قصة حزين صافي الحر ذاقه= انا بذكره ماصله خاطري ضاق
باقو به الأصحاب والوقت باقه= وصار الضحيه بين باير وبواق
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه= الوقت لو يصفى لك ايام دراق
لاشك يامن معك عقل ولباقه= بنصحك كان انك للأمثال تشتاق
صادق رجال يعرفون الصداقه= يقفون صفك يوم يبسات الأرياق
ومن يرغب فراقك فعجل فراقه= جاز الذي يجزيك أفراق بفراق
يقوله اللي جاير الوقت عاقه= ولازال في غيبوبة الهم مافاق
حظه على اقشر شي للنفس ساقه= بقبور الاحياء ينتظر يوم الأطلاق

8-بيتين تهديها لمنتدى بني عزيز؟!!

في المنتدى أنمور وأنجال أسود ... تصحح المخطي للخير ودله

عسى مابينهم حاسد ومحسود ... على كل الأيام في فله

9-بيتين أعجبتك لأحد شعراء المنتدى ؟!!

قـالــت هــلا واثـر لهـلا طعــم ثـانـــي

لاجـــاك مـن مبسـم بـه الفـن والـــذوق

قلــت احتـــرامـــي يا اميــر الغــوانــي

لك مهجتــي ياحاكمــي سقتـهـا ســـوق

لشاعرنا العذب الرهيف

مشكور اخي عاشق هبا على الموضوع الشيق

اختار اخي عامر العزيزي

1- مامدى علاقتك بالشعر ؟!!
قويه جداً
-2 من هو شاعرك المفضل ؟!!
الشاعر المبدع والتميز دائما
3- اعضاء في منتدى بني عزيز تثق في ذائقتهم الشعرية ؟!!
عاشق هبا _ والعزيزي المغترب
4- بيت شعر يحضرك دائما ؟!!
كيفي سعودي والسعودي بكيفه ــــ من شعب ابو متعب طليقين الايمان
5- قصيده تعدها من اروع القصائـد ؟!!

ياللي على شان معكازي تبيـن لـي = رجلي على حالها وأنا علـى حالـي
والكسر ماهوب في رجلي علي كلـي = وأنت السبب في الغرابيل أول وتالي
تكفي مراسيلنـا العجـلات ياخلـي = عن مخذ الأخبار والا شوف الأزوالي
قلبي وقلبك توصل لك وترسـل لـي = والله أنها أشد من موجات الأرسالي
ردن سلامي عليك وجن وقالن لـي = أنك ترحب وأنا في خاطـرك غالـي
ليت الغرابيل جتني من عـدواً لـي = إن ماتقاضيـت والا بيتقاضـى لـي
لكن من واحـد ذكـره غنـاه لـي = مازلت أحبه ..وأبا أحبه ولا أبالـي
لامر طـرق بخدراتـه سـلامً لـي = كنّه يسلـم علـي بصوتـه العالـي
خلوني أسج عن موضوعه أحسن لي = والا الغلا.. والله أن يبطي وهو غالي

6- اذا لم تكن شاعر .. هل لك محاولات في كتابه الشعر ؟!!
لا
7- لك مساحه بلآ حدود امتعنا بقصيدة على ذوقك ؟!!

كثير ولا يحضرني شي الان

8-بيتين تهديها لمنتدى بني عزيز؟!!

المنتدى يستاهل الحب والتقدير =بوجود ناس(ن) تشرح البال
بني عزيز اهل الكرم والخير =الي لهم في داخل القلب منزال

9-بيتين أعجبتك لأحد شعراء المنتدى ؟!!

يـالله يـالمـعــبود خــلاق الانفاس = ياواحــدا تــعـــــبـــده جــنــه ونـــاســه
عطفك من الحقران والذل والياس = ورحمتك من فعل الشقاء والشراسه

لشاعر \عمر عمران

موضوع رائع

اختار الشاعر عامرالعزيزي

اهلين اخي همام

انتهى الاخ عامر العزيزي

الان نختار الاخ همام

بسم الله الرحمن الرحيم


اولاً:اشكرك اخي عاشق هبا على الموضوع
ثانياً:الله يهديك ياهمام حطيتني شاعر
باقي ماخليتوني اختار
اختار الشاعر همام هههه

اولا:. اآسف إني تركتكة وانقطعت عنكم المده القصيره اللي أشوفها أنا عام وأكثر ..

ثانيا" :. أشكر الإخوان العزيزي المغترب وعامر العزيزي على ماأفادونا به من أبيات وعبارات شعريه تحسب لهم

وبانتظار أخونا الغالي همام

نظرا لغياب أخونا الغالي همام وإن شاء الله يرجع لنا بالسلامه
سوف يتم اختيار عضو غيره ولكن دعوني افكر وأشوف وراجع لكم قريبا"

(((تريونااااا)))