القهر إنك على قلبي تمــــــــــــــــون

كنت أظن إنك وفي مخلص حنــــــون
ما حسبت حساب غـــــــدرك أو جفاك


كنت وحدك ساكن بوســـــــط العيون
لا وربي مـــــــــــا سكن عيني سواك


كنت أبادلك المحبه والشجــــــــــــون
وقلبي بيدينه مفاتيحه عطــــــــــــاك


كنت في دنياي أجمل ما يكـــــــــــون
كنت دايم أرتجي وأطلب رضـــــــــاك


ليش كل هذا التجــــــــــــافي يا فتون
بعت من حبك وبعيــــــــــــونه شراك


كنت ما أزعلك وكلهم يزعلــــــــــون
كنت أنا بالنسبه لجروحـــــــــك دواك


يا حسافه كيف عشرتنا تهـــــــــــون
كيف تنسى اللي دقيقه مــــــــا نساك


كنت أنا ويـــــــاك صحرى مع مزون
لو عطشت القلب مــــــن دمعه رواك


وصرت أنا العطشان أطلب منك عون
ليش تحرمني في عزالضيـــــــم ماك


قلبك بكيفه يخـــــــــــون والا يصون
هذا عمرك وإنته أدرى بمستـــــــواك


بس جاوب كل منهم يسألــــــــــون
أحسن أسكت تـــــــدري الكذب يعداك


القهر إنك على قلبي تمــــــــــــــــون
لو طلبت إحســـــــاس قلبي قلت هاك


والقهر إني أحبك وبجنــــــــــــــــون
يا حسافه ضاعت أيامـــــــــــي معاك


ليش خيبت بمحبتنا الظنـــــــــــــــون
ليش ما بادلت من حبك هــــــــــــواك


ليش كنت تحلف بحبي ما تخــــــــون
وإني في عينك أنا أجمـــــــــــل ملاك


كنت أظن إنه العـــــــــــواذل يكذبون
كان قلبي وكل إحساسي فـــــــــــداك


ما هقيتك يوم يالغــــــــــــــالي تخون
ليت كل الناس خانـــــــــــــوني معاك.........

كنت أظن إنك وفي مخلص حنــــــون
...ما حسبت حساب غـــــــدرك أو جفاك

الف شكر لك اختي احساس الورد على إبداعك اللامحدود..

عاشق هباء
شكرا لمرورك الراقي الذي عطر صفحتي واسعدني

ابداع اخت احساس الورد
الله يعطيك العافيه

الله ويش ذا الابداع
يعطيك العافية

الوتيش ....
راق لي وجودك بين ثنايا حروف كلماتي
كل الشكر والامتنان لطلتك المتميزه