كبار المواثيق

01-15-2009, 01:35 AM

بيني وبين الشعر عقد وصداقه=ميثاق غالي من كبار المواثــــيـق
معاهده بيتي مخـلـع رواقــــــه=ليا نويت ابني عسير الطواريــــق
وبندين من اسمى بنود اتــــفاقه=انه يبعد عني الهم والــضــيـــــق
حجزلي بصدره مكان وبطاقــه=وحجزتله فالصدر قمه كما طويق
اعوم فبحوره وحدد نـــطــــاقه=وارفع مقامه فوق روس الشواهيق
ولادخل به مسابق ولابغا سباقه=وانا رجل ماني بضاعة مطافيـــق
والله مانرضاء على كسر ساقـه=واعزتيله من ضعاف المخاليـــــق
اللي سعو بين العرب بحتراقــه=لين احرقو ورث الرجال المطاليق
والشعر فن ذوق وايضا لباقــه=معنا ومغـــنـا فيه لذه وتــشــــويــق
حالي كما طعم الشهد في مذاقه=سامج لياغــنــي فبيض الغرانــيــق
ولو امتطاه اليوم قطاع ساقـــه=الجزل مايلــصــق به الهزل تلصيق
الهزل ياهل العرف مثل العلاقه=مافاد فيد ولايـفــــك المواســــيــــق
والجزل مثل اللي يسر الرفاقـه=شيخن على الطــالـــه بعيد الملاحيق
مايشحنه راع النفاق بنفاقــــــه=ومايلتـفـت لملــفــق الــــهـــرج تلفيق