حصـريا"ــ سوار الذهب & صالح المطيري ــ حصريا"

السلام عليكم ورحمة الله وبركاته اخواني اعضاء منتديات بني عزيز من مطير... كلن يعي ثقل قبيلة مطير في خدمة الموروث الشعري مهما غيٌبت اعلاميا" ونحن من جهتنا ابناء القبيله نجتهد كل الجهد في الحفاظ على تاريخنا الادبي من خلال هذا المنبر الاعلامي والصرح الذي يشق له طريق في ارض الابداع و التألق يوم عن يوم. لحسن الحظ حصلت على قصيده للشاعر الكبير بتاريخه الادبي والذي بعطائه جعل اكثر المختصين في المجال الادبي مراهنته بعدم تكرار هذا النجم هو الشاعر ((سوار الذهب)) الذي نعدكم بأذن الله بأن نعمل المستحيل من اجل أستضافته في قسم اللقاءات.. وقصيدته هذي كانت مرسله للشاعر سعد صلبي الميزاني (الذي وعدنا بالمشاركه في المنتدى) وكانت القصيده في طياتها تحمل الكثير من المعاني وكان المقصود خال الشاعر الشاعر سعد الميزاني وهو الشاعر صالح بن محمد الميزاني والأخير قام بالرد نيابة" عن سعد وكان ذلك الأبداع: ياراكب اللي طيبته من عماقه = ناب الفقار اللي بعادً مماسيه حر" خطاه طوال من طول ساقه = يمش النهار وداجي الليل يسريه قطم" فخوذه جل ماهي دقاقه = يوم اصفه سبحان رب" مسويه ماله عن الدرب العدال أصطفاقه = رفض" عجل ماله حلي" يحاليه يقطع عجاريم التراب ورقاقه = هميم.. نوش المطرقه مايدانيه ماهو ترايستار صنعة حماقه = سواقها مايلتفت لو تناديه ياراكبه خلك عليه برفاقه = انته دليله واقطره لاتصفويه ممشاك عشر وجاب والهن لحاقه = يومين والا يوم بحساب محريه قد جيت ديرة حافضين التفاقه = يوم" كل" له دويم يصاليه وان جودو خضر النمش بأنصلاقه = يفرقون الجمع لو بارقه فيه تشبع على اثرهم اسباع الصناقه = فعل" نعده للقبايل ونرويه وعسى الخيال اللي صدوق" حقاقه = تبرق ماقاديمه وتبرق مثانيه بأمر الله اللي من مناشيه ساقه = ان صب ماه وبارقه ينعزى فيه يفداه من ساقه على حسن ساقه = يسقي ديٌرهم والربيع امتقفيه هذا وراس العلم ياخذ سياقه = ونديبي الطراش ماني بناسيه وليا وصلت اشبح نظرك بلباقه = حتى تشوف البيت وتشوف راعيه وعده لقرم" يحتمي كل ساقه = حر" على ساسه جويده مجانيه عشَاق هامات المراجل عشاقه = طيبه على جده وطيبه على ابيه تلقاه للافي يزيد أشتياقه = ماينصفق بالك ليا صرت لافيه تلفي سعد مكمل حقوق الرفاقه = وانته نديبي تبخصه مأنت غاويه صديقي الباخص ونعم الصداقه = رفيقي الطيب واعزه ومغليه سلم عليه وبأجود الجود راقه = تلقاه شغموم" حميده مساعيه وليا اجرهد الهرج سير بنطاقه = ثم أنشده عن خاله الله يجازيه قول العهد به والشهر مع غلاقه = يشعب حصانه والضعينه تباريه يشعى البعير اللي عليه الوساقه = سرساح مع جيش الشرارات ناقيه متنحر" جو" بعيد" طراقه = نعم بصالح كل ماحل طاريه وليا نشد عني بنشدة وثاقه = عطه الكتاب ولاتفسر معانيه وقله ترى صاحبك هذا مساقه = يبا يجي مانايد البعد حاديه ويقول ابا اترك للعراقي عراقه = كله يدج وكل سيل" بواديه ومن لاعاطاه الوقت كف الحلاقه = لابد ماعجلات الايام تعطيه عبدالله ابن غازي الميزاني (ســوار الذهــب) وكان الرد لايقل قوة" وجزاله عن البدع من الشاعر صالح محمد المطيري للهرج ميزان ان تعدى نطاقه = تزيد سياته وتنقص حسانيه والناس فيها للعلوم اندلاقه = وكل" على كيفه تفسر هقاويه وان صار جرح" فـ السلوك الدقاقه = يصعب على دكتوره اللي يداويه ياراكب اللي صنعها به ذواقه = اسلوب فن وعقل عالم يقديه والكمبيوتر مايلفق لفاقه = مافيه مسمار" على غير توجيه لولا كذا ماصار فيها فواقه = يسعى لها من كل فج وتواجيه استلث مايبغى لها من سواقه = تمشي على احدث علم ياجاهل" فيه اليا نوٌت جو الفضا بنطلاقه = ترهج صليب القاع وتهز اراضيه ممشاك عشر اوجاب من فوق ناقه = لها دقيقه يامعني بناخيه تاصلك قبل البن يصبح حراقه = لاباس واللي جاب علم" يوديه يالشاعر اللي صار فيه انطراقه = ومن ما بصدره مايحقق مراميه انا ادري انه للسان انزلاقه = لاكن منطوقه وش اسباب داعيه قدام يصبح للجيوب انتفاقه = واللي يقول القول يحمى قوافيه من لايميَز بالنظر في حقاقه = سوات من بيديه يهدم مبانيه ترى المثايل عند اهلها شفاقه = هذا الخبر مني واذانيك توحيه مافيه للأثنين داعي علاقه = حتى تعلم ذا والاخر توصيه تبى تشرف من يشرف رفاقه = اونس لهيب الجمر ياللي تصاليه نوم الضحى للعين فيه انسراقه = قطاع راجي مرجله من مراجيه واليا صحى اللي نام عقب انشراقه = ياقف على رجليه ويقلب اياديه وصقر النصافي قال لن جاك عاقه = من الرفاقه ياجب انك تداريه داره يالين الله يتمم فراقه = بالخير.. والا الشر محد" بباغيه ماجاك من دورالزمان انزناقه = حتى تخم الدرب الأبيض وتخطيه مير المنافق لاتسمَع نفاقه = يبغاك تنقل حمل مأنته بقاويه واللي يغني بالمثل من زهاقه = يصبر على ماقد يجي من بلاويه اليا غدى لسهوم اهلها انزراقه = ثم اختلط مفهوم مره وحاليه موج" على اللي فيه صار انصفاقه = مالي طلب واقرب حدود الخطر ليه صالح محمد المطيري فعلا" ابدعا كلا" من سوار الذهب وصالح فالله درهم لجميع الأعضاء هذه القصايد لم تنشر من قبل الا في منتدى بني عزيز لذلك • نرجو من جميع المنتديات الأخرى عدم نقل ايا" من القصيدتين الا بذكر المصدر تقبلوا تحياتي اخوكم محمد العزيزي

محمد العزيزي
يقولك منصور أنه أحتار مايدري وش يسميك

وانا والله أيضا محتار بماذا اسميك


ولكن اقول لك ياعز ونور المنتدى بيض الله وجهك وجزاك خير وأشهد بالله انك عز وفخر للمنتدى ولنى

وصح الله لسان كل من الشاعرين المتألقين

وسلمة يمينك التى نقلتها لنى

وحفظك ورعاك الله لنى ولمنتدانى وأدامك بيننا متجددا بأبداعاتك المميزه


والف شكر لك على الاختيار المميز

وتقبل تحياتى وشكرى أخوك
واصل بن عزيز

محمد العزيزي تشكر على هذا النقل الرائع
وبصراحه انا من احد المعجبين بشعر عبد الله غازي(سوار الذهب)
وهو شاعر من الوزن الثقيل
ونحن في انتظار اجراء لقاء مع هذا الشاعر على احر من الجمر

وتقبلوووو تحياتي

ياهلا واصل عزيز اولا" اشكرك على اطرائك واعتبره شرف لي طال عمرك واحيي ابو حمود واشكره وماسوينا شئ ونعدكم بالافضل والافضل ونريد من جميع الاعضاء التفاعل معنا وابشرو بالخير لاهنت

هلا سفير المهد سوار الذهب شاعر اكدوا البعض بأنه شاعر لن يتكرر جزل من شعراء وشهدله جميع من في الساحه الشعريه دون استثناء فلله دره شاعر المعنى والجزاله نقولها امام الملا سوار الذهب يحق له التفاخير بماضيه وتاريخه الأدبي

أخوي محمد العزيزي دائما مبدع ومتميز في مشاركاتك تقبل مروري وتحياتي

هلا بك يالعزيزي9 واشكر لك مرورك


تقبل تحياتي

مشكور اخوي

وصح لسان شعارنا الي نفتخربهم دايمااا

وتقبل احترام

ابو نواف الشكر موصول لك طال عمرك على مرورك في متصفحي تقبل تحياتي

مشكور
والله يعطيك العافيه