الاهداء مني لكافة الدياحين والى الشاعر الكبير دوخي الديحاني

بسم الله الرحمن الرحيم
اعضاء وزوار منتديات بني عزيز الكرام
السلام عليكم ورحمة الله وبركاته
هذه القصيده اهداء مني لقبيلة الدياحين كافه وللشاعر الكبير/دوخي ابن عماش الديحاني وقد قام بمجاراة القصيده ويسرني ان اضعها بينكم على امل ان تحوزعلى رضاكم

سلامي على اللي قدرهم بالضمير يزيد=سلام الوفاء مني على كل ديحاني
هل الخيل فريس اللقاء والحريب يحيد=هل الماقف المعروف ذربين الايماني
لهم يشهد التاريخ والفعل له تاكيد= فعول الفخر والعز في كل ميداني
رموز الشجاعه فالقبيله لهم تمجيد=دياحين وان ركبوا على الخيل فرساني
وبذكر محمد يوم حدد لهم تحديد= صعوط المجنن عند روغات الاذهاني
لحقهم لحاله قال من دونها صنديد= ابرمحه وبالشلفاء وبالسيف شاماني
وان شافوه فوق الخيل قفوا على التفريد=وان اقبل عليهم طاح الاول مع الثاني
وبذكر حنس واعطيك يالمستمع ترشيد=عن الفارس اللي له بالامجاد عنواني
بعدها يابونواف والقول للتسنيد=نصتك المشاعر دوك ياطير حوراني
وانا اشهد شهادة حق واقولها واعيد=فخر للقبيله مثلكم طول الازماني

=========رد الشاعر دوخي عماش الديحاني============

هلا مرحبا ترحيبتن مثل يوم العيد=تراحيب مصدرها من القلب ولساني
تعم اهل الوقفات بالجمع والتفريد=لهم مني التقدير من كل وجداني
قرينا رسالة من يكيد الاعادي كيد=رساله عليها اسمي وتمجيد جداني
عليها رموز من الاصاله ماهي توريد=وعنوانها التاريخ من غير نقصاني
تعاملت معها كاش مانقبل التقصيد=وهاذي وصية شايبي يوم وصاني
اشيد بقوافيها وغيري رجال اتشيد=وتبقى شهادة حق ماني بغلطاني
وانا ادري ومتاكد ماني فالزمان وحيد=عدوي يعيش وحيد من دون صدقاني
اصارع زماني نوب غاضب ونوب اسعيد=يطاوع بعض لحيان واحيان يعصاني
الا يامحمد قول لي بس ويش تريد=عسى خيرياصوت السعد يوم ناداني
نبشت المشاعر لين جددتها تجديد=وقامت تجر الصوت لاحي ياليحاني
فخرنا لكم وانتم لنا فخر بالتاكيد=ولاينبني بيتآ على غير عمداني
زحول الفخر حنا لياطق حيد بحيد=نقفل بعض الابواب ونفك بيباني
مطير اهل الردات يوم الزمان اجهيد=هل الاوله يومنها سيف وحصاني
هل المعجزات اللي رسوا فوق سطح البيد=من الحره العليا ليا قصر دسماني
على منهج التوحيد مانقبل التقليد= ومن طبعنا دايم على الخير عواني
وكل القبايل فيهم الخير والتسديد=ومن واجبي تقدير الاقصى مع الداني
ونبقى سعوديين قريب ولا بعيد=ترانا على ماقيل صدقان وخواني
على طاعة الله ثم طاعة هل التوحيد=الاد السعود مرجحت كل ميزاني

تسلم ايدك علي طرحك المميز
وبيض الله وجهك علي القصيدة الرائعه وصح لسانك
ويستاهلون الدياحين الطيب
صح لسان الشاعر دوخي الديحاني


لكم مني خالص الود

محمد موسم يعطيك العافيه

صـــــــــــــــــح لسانك انت والشاعر دوخي الديحاني

اخوي محمد موسم

صح لسانك وعلا شانك قصيده جزله من شاعر جزل

وبلاشك ربعنا الدياحين يستحقون المدح والثناء

والشكر ايضاً للشاعر دوخي على رده المميز على القصيده

وفقكم الله لما يحب ويرضى

اخوك

الطريس

اخوي محمد

صـــــــــــــــــح لسانك انت والشاعر دوخي الديحاني

صـح لسانك ولسان الشاعر دوخي الديحاني

والله وسبعة انعام بك يامحمد
.
قصيده جزله ومليانه
.
وربعنا الدياحين الفريس ... يستاهلون الذكر ... ذكر افعالهم اللي تسر القبيلة باكملها
.
وبيض الله وجهك يابو نواف على الرد اللي مايجي غير من شاعر مثلك
.
.
وعندي طلب يامحمد
.
بأنك تطلب من ابو نواف ان يلقي القصيدتين موووووووال وانا بسجلها وانزلها في المنتدى للاخوان

صح لسانكـ

يعطيكـ العافيه

لا هنت

الاخ العزيز الشاعر الكبير والنابغه - محمد موسم مشكور كل الشكر

علي هذا الطرح المميز وربعنا الدياحين يستاهلون المدح واهل فخر

وصح لسانك وصح لسان الشاعر الكبير دوخي بن عماش - ابو نواف -

صح لسانكـ ولسان دوخي الديحاني

اخوك/امبراطور بني عزيز