نور العين

هذي قصيدة قديمة لي اتمنى ان تنال اعجابكم

الا يابوهلا وش حيلتي لاغاب نور العين = غديت بدنيتي مثل الضرير الي فقد شوفه
عقب غيبت ...... الفرح وينه والسعاده وين = وغابت فرحت الدنيا عقب ماغابت اطيوفه
عقب ذيك المحبه جاء وفرقها غراب البين=غدت زهرة هوانا من سببه اليوم مقطوفه
الا ياقسو قلبه كيف يسعى في فراق اثنين=تجمعهم محبه مايجي في قلبه امروفه
جمعهم حبا" اصدق من كلام وهرجة الواشين=وكلا" مع حبيبه صادقا" فالوعد واحلوفه
ولكن غصب فرقهم حكم جائر على القلبين=كما صدام في حكمه لاهل بغداد والكوفه
وانا من عقب غيبتها مني سالي مع السالين=عليها كل يوم يزيد قلب المشتقي خوفه
سالتك شنهي الحيله عقب ماغاب نور العين =غديت بدنيتي مثل الضرير الي فقد شوفه

صح لسانك يالرهيف واشكرك على ابداعك


ويابو هلا ترانا ننتظر ردك الله لايهينك



تقبل تحياتي

صح لسانك أخوي الرهيف
وأبداع وتميز يالغالي

سالتك شنهي الحيله عقب ماغاب نور العين =غديت بدنيتي مثل الضرير الي فقد شوفه

الله عليك وعلي الأبداع المييز


أخي الشاعر المبدع
الرهيف

أستأذنك أولا في تنسيق القصيدة حيث اعجبتني ووقفة لها

وياليت لو تزور هذا الرابط حيث فيه شرح
تنسيق القصيدة بالصورة وبطريقتين وكامل الشرح
رابط التنسيق للقصيدة
http://www.azizenet.net/vb/showthread.php?p=241#post241

أو الرابط الموجود في التوقيع

هذا
وتقبل مروري وتحياتي
واصل عزيزي

محمد العزيزي

صح بدنك

شكرا على المرور

تحياتي

واصل

شكرا على التنسيق اولاً

وشكرا على المرور

تحياتي

بناءاً على طلب محمد العزيزي هذا ردي لقصيدة الرهيف

هــلا يــامرحبا بـرسالتـن جـتـني مــن الغالـين = على وضــح النقا من كاتـب المكتــوب وحـروفه

شـــــــكى والشكوى لله ليت ربي للعبــاد يعين = عسـى ربي يـعيـنه في ظــروف الوقت وصدوفه

على درب الهوا نمشي وندفع كاش ماهو دين = يموت المغــرم ونفســه لـدرب الحــب ملهـــوفه

عذول اهل الهوا ياليت في وجهه رسوم تبين = عليـــم الله يـلاقي من يدّين أهل الهوا حتـوفه

تـّــذكرني عسى ربـي يخلـينـي مـع السـالـــين = أمــــانه لاتـــــذكـــرني تــرى ذكــراي مكـلـوفه

تصبر والصبر بالله ولا تنــفـع دمــوع العـيــن= أمـــانه لا تخلي اسرارنا للنــاس مكشـــــــوفه


وســــــــــــــلامتــــــــــــــكم

اخوي الرهيف صح لسانك على الابيات الجميله ابداع رائع

______________________________________


اخوي الوايلي صح لسانك على الرد الجميل الرائع لاهنت

حامد رضا

الابداع والرائع مرورك

شكرا على المرور

تحياتي

الله الله
والله يا الرهيف كلام ولا احلى
ارق سنووود
ولا قصرت يا ابو هلا
تقبل مررررررررروري

احمد

شهادتك اعتز بها

شكرا على المرور

تحياتي