قصيدة الشاعر والمنشد مشاري بدري الطلاحبي

مشاركة الشاعر والمنشد مشاري بدري الطلاحبي

في حفل تكريم المقدم عتيق بن سعيد الطلاحبي


اسرجت خيلي والرمك وسط ميدان
ميدان عز .. ولا تجيه الفشيله

عنيتها فالطيب والطيب عنوان
بين الرجال وكل رجل وحصيله



اللي يسوق الطيب تراه كسبان
عني وانا أرد العلوم الجزيله



وأنا أشهد انك حر ..ياطير حوران
ماجبت غير الطيب لجل القبيله



ماينجحد فعلك علي مر الازمان
واسمك مثبت فالمواقف دليله




عتيق كلن يعرفه والوفاء حان
وأبديت ماعندي وهاذي قليله



وحقاً علي أني لبين على شان
بيني وبينه فالفعايل جميله



يادرع جنبي يابن عمي كحيلان
الطيب من ساسك تروم الطويله




قلته وانا مثبت كلامي ب برهان
والحمل لو يثقل تقوم وتشيله


وباقي لربعي حق واجيبه الان
ماني ب متاخر ولا فيه ميله


بني عزيز ومروية كل عطشان
اللي فعايلهم بسوق الجميله


من تحت راي المندهه عالي الشان
معرب الجدين راع الكحيله


اللي موصينا بحنكه ولاهان
برد الوفاء بين العميل وعميله


وحنا حفظنا وصايته دون نقصان
والله مانقصر ب فعل الجزيله


والله يعز الدين في كل الاوطان
ويكف شر المفسدين ويشيله



وختمها صلو علي نسل عدنان
محمد المختار في كل ليله