يامديره

يامــــديره على كل الــــــبـنــي نجحيها
نجـــحــــــيها تراهــــا تستحق الشهاده

والشــــــــهــــاده حشايم عينها وقعيها
واكتبي فــــوزها عــــن لابسات القلاده

واعرضيها على كل الصحف وانشريها
ياعساها مـــع الدنيا تعـــــــيش بسعاده

والضروف الصعـــــيبه عندها قدريها
ماعــــلى الله خافــــــي رب كل العباده

ليت واني قــــلـــم تستخدمه في يديها
في يد الي عليه القــــــلب طول عناده

كنها عنق ريماً والــــــــهواء مقتفيها
يوم حازت على القناص راعي الحماده

واستدارت وفـــــــزت عقب مالد فيها
عـــــين حراً مع الصـــــقار باول هداده

يانجـــوم السماء يالسامــــره جاويبيها
جاوبيها على اللي ماهــــتـــنا في رقاده

وان نساني على طـــــول المدى ذكريها
ذكريها عـــــن اللــــــي ونـــته في فواده

والله اني على طـــــــول الليالي ارتجيها
لوغـــــــاب القمر والليل غـــــطا سواده

خل مافـــــات والدنيا لا تبـــــــكي عليها
لو تالي حياتك بالــــــصـــــــبر والجلاده

مزيدالرهيف

الله الله

صح لسان الشاعر مزيد الرهيف

وسلمت على النقل