شيخاً من عتيبه وشيخاً من مطير

اهداء الى كلً من
خالي الشيخ \خالد بن صنت العزيزي المطيري
والي الشيخ \محمد بن عوض بن حجيل العازمي العتيبي


شيخاً من عتيبه وشيخاً من مطير
الي لهم بالــمــجد هــيبه وقــيمه

ابن صنت وابن عوض فعلهم غير
اهل الحـــــميه والقــلوب الرحيمه

يسعون بين الناس للناس بالخـــير
وافعالهم بالخـــير دايم عـــظيمه

ماهي غــــريبه لشــــيوخ المناعير
اهل الشــهامه والنفـــوس الكريمه

الكل مــنهـــم مايحـــسب المخاسير
ومن بينهم عــــــشره وخوه قديمه

سلم على اللي له مع مطير تقدير
ابن عـــوض مع زود طيبه عزيمه

ترفع له البيضا عــــلى قــــمة النير
ومــــع اللـــــيالي جعل ربي يديمه

من روس عــتباناً تـقـود الطـوابير
حريبهم تـــكـتب عـليه الـــهــزيمه

عــــزالله انه سطـــر الفـعـل تسطير
ماهــــو كـــــلام مروجـيـن النميمه


عبدالله الرهيف

والنعم بخالك خالد والشيخ محمد عوض

والله يديم المحبه والصداقه بينهم

وصح لسانك يابو سلطان ويستاهلون الجزله