تويتريات

هذه ابيات تويتريه لم تكتمل تنال عسى اعجابكم



انا فقط مشتاق لا اكثر لا اقل...... والشوق ما يعرف ردي والا اجودي

من كثر ما اشتاقلك مافيني عقل ...... ادور الحاجه وتطلع في يدي

.................................................. ........................


تدور الاماني والشقا يدحم الاضلاع......... وانا بينها ماني بصاحي ولا مجنون

لو ان التمني يقدر يغير الاوضاع........... تمنيت انام بليلة وحده بدون ديون

.................................................. ...................

حضورك اللي يبهج ويرفع الراس...... احلا من الفرحه على غير ميعاد

اسلوب متفرد ومن عندك الناس.......... تاخذ لفرحتها شهادات ميلاد

..............................................

اضحك ولو كانت همومك تعاقب......... اكبر دواء لهمومك الابتسامه

اقعد مع نفسك وناقش وراقب........ اهم حاجه فالحياه السلامه
.................................................. .......

من وين ماوجهت جابك لي الشوق...... كل الطرق عندي تودي لذكراك

ماكنك الا داخل القلب مخلوق........ مع كل نبضه يذكر اسمك وطرياك

اشفق على لقياك واحن وتوق........ ماقاطع قلب العنا غير لقياك
...............................................

يارب طالبك ثنتين وترجيتك....... محدن بمعطيني ان ماكنت معطيني

انت المعافي وانا طالبك عافيتك...... والحاجه اللي عن العربان تغنيني
........................................

ياحبني لك وياحالي وياحري..... ويازين جلسه معك لو انها ساعه

وياحلو هرجك ليامن صرت متجري..... تحييني الرقه وتذبحني الراعه

.................................................. .......................


الى اللقاء في الحلقة القادمه

...........

شاعرنا المتألق

نايف صح الله لسااااااااانك

درر لاتأتي الا من بحر متلاطم الامواج عيق القاع ذو جواهر غاليه

انا فقط مشتاق لا اكثر لا اقل...... والشوق ما يعرف ردي والا اجودي

من كثر ما اشتاقلك مافيني عقل ...... ادور الحاجه وتطلع في يدي

والله يالابيات اعلاه انها تنطبق عليه وتحصل عليه اكثر من مره
على العموم صح لسانك على الطرح الذي نال اعجابي لاعدم ولاخلا
وتقبل ارق واعذب واجمل وارق التحايا

روائع من جواهر ابيات الشعر
صح لسانك شاعرنا المبدع
تم النشر على تويتر
https://twitter.com/beni_aziz
تم النشر على الفسبوك
http://www.facebook.com/profile.php?...50&ref=tn_tnmn