لغز جديد

السلام عليكم ورحمة الله وبركاته

الله يمسيكم بالخير يالربع

جبنا لكم لغز جديد
وإن شاء الله تتوصلون الى حله

البارحـــــة في خاطري هرج وأفكار
===============وأقــول ياذليل ربي تعيده
ليلٍ هجوسي كلهــا لغــــز وأشعار
===============العالم الله والمقاصد بعيده
وكتبت لغزٍ مايجـــــي فيه محدار
===============قافٍ قديم ومبتداه القصيدة
في منتداكم ياهـــل الطيب والكار
==============المنتدى اللي فيه لريا السديدة
أنشدك عن شيخٍ على الضرب صبّار
==============ومن فوق خشمه تاخذ اللي تريده
لاينقل البندق ولايـــــــــاخذ الثار
==============ويمكن يدلك للعلـــــــوم المفيدة
سده ضعيف ومهتوي كشف الأسرار
==============ناسٍ يفشلها وناسٍ سعيده
له سمعــــةً عند البشر سر وجهار
==============وفي كل مرّه له علومٌ جديده
اللغز واضـــــــح مايبي زود وشهار
==============واللي يحله يستحق النشيدة

هلا وغلا اخي المبدع

لغز مليان والكلمات موزونه بميزان

الرمعه الاولى ومن اول قراءه للقصيده

هو الشيخ قوقل ههههههه

حياك الله اخي المبدع
حقاً انك مبدع اسماً على مسمى
اوافق الراي اخي المغترب
قوقل
ان ماخاب ضني
وتقبل ارق التحايا

اخوي المبدع

اسم على مسمى ابدعت في صياغة اللغز

مع اخوي العزيزي المغترب في الرمعه

بانتظارك

العزيزي
الليث
الطريس
بيض الله وجيهكم ياصبيان مطير وافين وعلمكم غانم وهذا اللي حببني فيكم وشاركت في منتداكم واللغز حله صحيح من أول رمعه الآراء متوافقه ما شاء الله عليكم وننتظركم في حل الألغاز الجايه بإذن الله