تركي بن ماضي

يا الله يا مجـري تصـاريـف الافـلاك

محصي قضى ما بلقضـا صار بالكـون

حـلال عسـرات الدواهـي والاشبـاك

اللي دعاه لكشـف الاهـوال ذا النـون

وانجيت يوسف من دواهيـم الاشـراك

سامـع دبيـب النمـل عـلام مكنـون

محيي ورق ميت الشجـر وأنت فكـاك

عاقات من عاقه طريـحٍ ضحى الكـون

يامن على أمـره حل الافـلاك بعـلاك

يجري الفلـك بامـره و لمره يطيعـون

ترحيـم غريـمٍ ظيـم بسهـام الادراك

هذا تمـام الحـول من طـاح مكيـون

ما سال حيٍّ أو شكـى الحـال لسـواك

أنت الـذي أمـرك ابكـافٍ مع النـون

ارحـم ورم مـن رام بالريـم شـرواك

وصلك وصل من له وليـفٍ ومرهـون

قلبي بصافي الولـف خصك وصافـاك

قـل ليـه ما لمولـع القلـب تصفـون

يا زين لا تشمـت بي اعداي واعـداك

اعرف وشف كني من الولف مسجـون

نحيـف حـال فـارق الحـي فريـاك

اليــوم ودي بالنجايـب تـريضـون

آخــذ ثمـانٍ مـن ثمـانٍ بحسنــاك

مجروح روحٍ عن فنا الـروح تسقـون

راحٍ رحيــقٍّ ذيـب يا زيـن بشفـاك

من كالوالـو سـال صافـي ومعيـون

أقفـا وقـال صخيـف الاقـدام ليّـاك

تمشي حذا ناسٍ على السيـر يمشـون

له قلـت ينعشنـي الى شفـت رئيـاك

وابصرت لك زاهـر احجاجٍ كما النون

ما والـذي بالزيـن خصـك وسـواك

وادعان يا عذب النبـا فيـك مفتـون

إنك على بالـي إلى أوحيـت طريـاك

خوف الوشات وجملـة الناس يـدرون

ساعة نظرتك بالنظـر وابتسـم فـاك

وحبك بلاجي مهجـة الروح مقـرون

لا قيـس لا غيـلان لا فايـح الـراك

مثلي ولا مثلي مـع الحـي مشجـون

لــولاك تاعدنـي ولـولاك لـولاك

أدرا ورود النفس ما جيـت محـزون

زرتك ولو دونـك صناديـد الاتـراك

بمخظـبٍّ لـه وافـي الحـد مسنـون

مع ذا وخف لي من تعاريـض مـولاك

واعرف تراي اليوم هايـم ومشطـون

ما بالحشـا مني برسـم القلـم جـاك

وآرجي عسى يا سِيد الاشباب تـاوون

للي قضـى صبـره والانجاب بحراك

عصـر الثلاثـا ذاك وانتـم تشـدون

يوم أنت عني صنـت واضح ثنايـاك

ومن الجفـا سنيـت لي غير مسنـون

يا قلب ما تصغـي لعذلي وأنا أنهـاك

عن عين شبـانٍ بالانشـاب يرمـون

بالحـاظ فيها الطرف وإن صار به ذاك

لا حـي لا ميت مع المِيــت مدفون

وإن دار لك دالوب الأفكار ما ادعـاك

ظيم الهوى رامو مع الظيـم يصفـون

دهـشٍّ دنيـفٍّ مـن هواهـم تعنـاك

داعي الغرام أشقـاك واغراك مظنون

هلا والله أخوي alazizi

صح لسانك ولسان الشاعر تركي

قصيدة جزلة

سلمت ولا هنت

لا تحرمنا جديدك أخوي

يعطيك العافية

مشكوووووووور


كــُـن بـخيــر أخــي


الــفــارس

بيض الله وجهك اخوي العزيزي وصح لسانك ولسان بن ماضي
ودوما للقمه
احب اشكر اخوي الفارس علي تواجده الدايم وهذا دليل علي حرصه علي انجاح هذا الصرح الشامخ وتقبل تحياتي

مشكور يا العزيزي

شكرن على المرور وتقبلوا تحياتي

شكراااااااا أخوي