مالله خلق في بني عزيز واحد ردي

قصيده للشاعر عبدالله هلال بمناسبة زواج الشاب عقاب مزيد الرهيف




بسم الله الخالق المعطــي عزيز الجلال
بديت باسمه وعــظــمـــته قــبــل لابتدي

الله يـبـقـيـك يا مــــزيـد ويرحــــم طــلال
ولعـلكم للـغــناه وحـــيـــكــم مـــهـــتـدي

يالربع ابو حـجـاب لويرفع علي اتصال
مــن كـبـر حـقـه علي تركــت مافي يدي

لانه قبل صيحت الصايح وحذف العـقال
ســاطي ولامن دعــا الازم يجـــيه يعدي

ياطيب فعله لعل اسـنـين عـمــره اطوال
ولعــل مــنهو ردي عـــزمه لراسـه فدي

ناصي لي ارجال واكمل حـقـوق الرجال
اعــز ربعــي بني عــمــي خـــوال ولدي

الاد مــرهــــوف نعــمــاً بالفعـل والقبال
شــر عــلى مـــن بغاه وطيب فالاجودي

من روس بني عزيز اللي سوات الظلال
ربع تسر الصديق وعـــوق للــمـعــتـدي

مازعزعـتـنا المصايب دون فعل الجزال
يوم ان خبط الرصاص تقال خبط ابردي

مابيننا مـرجـف ونرسـي ســوات الجبال
ونـقــول هـلي خــيالك وابرقــي وارعدي

نقلط عـــلى الكـــايده فاالماضـي ولانزال
لوانها ابعد مــن الجـــوزا ونــجـم الجدي

حــقـــيقــه اقـــولها لان الحــقــــايق تقال
مالله خـلـق فـي بني عـــــزيز واحد ردي

وفي ســد وجـهـي يامن يكثرعليها الجدال
ان كان مااثـبتـــهـا عــنـد الرجـــال اتغدي

وانا ســلايل صــعـــــير اللي يشيل الثقال
يــمــناه يــبــطش بها الكــــايد وكفه ندي

قصيده جزله من شاعر جزل وتشكر علي القصيده وتقبل مروري

كفو يابن هلال
صح لسانك واعتلا شانك
كل الشكراخي فخر مطير