■شعراء بني عزيز وإبداعهم بمجاراة الرصيف الـهادي ■

للشعر أهله وللشعر محبيه وشعرائنا شعراء بني عزيز طُرح عليهم قصيدة للمجاره وهي للشاعر عبدالعزيز الفريدي ((الرصيف الهادئ ) من قبل اخونا ابن شداد الطلاحبي فلبوا طلب ابن عمهم وزميلهم ,وأبدعوا أهل الشعر وأعجبوا ونالو رضى واستحسان محبي الشعر ومن باب التوضيح طرحت وجمعت قصائد شعرائنا بهذا الموضوع وهذا أقل ماأعمله لعمالقة الشعر ,, اتمنى ان يروق المتصفح على استحسانكم ... الشاعـر ابن شـداد الطـلاحبي طال انتظار الشوق ياحرمانه=الله يجير رموشك الكسلانه بروزتلك صوره بوسط عيوني =وحفظتها في عيوني السهرانه اخاف انام وتنمحي من عيني =اتعبت نفسي بالسهر من شانه طال الغياب ولاعرفت اسبابه=ليه الوصال مقفله بيبانه نخيت حظي فزعته ومعيي=وشفت الزمان معقدًحجانه وقفيت عنه وفي يدي مسباحي=والمشلح الي ضابطن قيفانه وطلعت من جو المدينه هارب =ابغى هدوء البر وإطمئنانه وان حان فرض الله علي اصلي=وطلب من الله عفوه وغفرانه بجلس طرف ذاك الشعيب السايل=الي بقايا السيل في قلبانه شبيت نار السمر من كبريتي=واللي يصفي ذهني بدخانه عبيت من مويا الشعيب الصافي=بالموقع الي تنعشك ريضانه ضبطت لي دله تناسب كيفي=حكرتها للعصابي التلفانه ركدتها في جال ضوء وجمره=خليتها تطبخ تقل حدمانه اخذت اقلب ناري بملقاطي=واجمع حطبها وتشتعل نيرانه يوم اخلصت زليتها فالدله =جلسة اقهوي نفسي الضرمانه صبيت لي فنجال قمت اشفه=ركد خواء راسي وطاح اجنانه مافوقي الى البدر يشبه نورك=نور مكانً مظلمات اركانه اتخيل انك جالسه قدامي =واصب لك فنجال يافتانه وقعدت اسولف لك عن الي جاني =في غيبتك ونفس لك ولهانه وانت تسولف لي واتابع نطقك=لبا حكاه ولكنةً بالسانه احلى ثلاث بدنيتي موجوده=طيفك وماء السيل في بستانه يوم انتبهت اني اهرج روحي=وحتى طيوفك جاتني عجلانه آنستني يومي وحيد الحالي=حي الخيال وحيهم ضيفانه جلست لين الفجر شع بنوره=والليل ودعني يجر العوانه ثم انشرح صدري بعد هاالرحله=بعد هدوء البر وإطمأنانه الــــشـاعـر عـالي الهمـــه هـدوء هـدوء ياهل الهوى من شانه= ربي عطــــاه النظره الفتانــــــــــــه ياكثر ماهــو في البشر موذينــــــي= ومتحمله واصبر عـلى هـجرانــــه ياشين صده لانوى بالصـــــــــــده = يدمي قلوب ضاميه عــطــشانــــــه بيني وبينه جولة(ن)تعجبنـــــــــي =لاقمت احضــر فــكرة(ن) فنانــــــه الشوق يدفعني وهو ادرابــــــــــــه = واكتب عــلى بيض الـورق كتـمانه بين الضلوع الخافيه واحساســـــي =اكــن شــي (ن)ثابتـه سيسانـــــــه قصه غريبه يافطين افهمنـــــــــــي = وليــافطنـت اذكرك باحــــــزانـــــه اللعب يبغــــى واحـــــد متحـــــــرك = يبـــداء الهجوم ولـعبته ربحانــــــه وترى الهوى يخلـف طبوع الصاحي = يحدث خلــل لامن دخـل شريانــــه الشعر تصغي لـه اذان(ن) تسمــــع = وحــرك مشـاعر هزها وجدانـــــــه شدة وابن شداد شـــــــد القافــــــي =يـازين طــرقــه لابــــــدع قيفانــــه ابدية ماعندي واقلل هرجـــــــــــــي = ودي اسـلي نفســـــي الزعلانـــــه الــشاعر سمو القــاف طفلٍ حفظ من مدرسة شيبانه=الرجل ما يبخل على ضيفانه و انا ضيوفي ما بغيت اكرمهم=اللي غزو صدري بلا ستيذانه اللي غزو صدري بغفله مني=ما هم ضيوفي للصدر عدوانه توكلي يا هموم خارج صدري=يكفي اعآني من سبب هجرانه تعبت من هم الطريق المظلم=اللي ظلامه موحش لجيرانه لا قلت ابـ آآصل ماقدرة آصل له=صعب الوصول و حافظٍ عنوانه لا اقبل علي الليل و ارخى سدوله=جات المشاعر كلها عطشانه تزآآحمت في صدر من يعشقها=و صب الدموع و صدرت رويانه يا ليل لو تسمح بقول لخلي=كلام في صدري كُتب من شانه بقول له جمله هُنا في صدري =من غيبتك نفسي ترى تعبانه و أنا على شوفك اسوق البُشرى=مشتاق للبسمه و هي خجلانه حمرة خدودك من خجلك القاتل=كوكتيل حآآلي طاغيه ألوانه مد الكفوف و خلها تتشابك=شوف العيون لشوفتك ظميانه والله مايطفي لهيب العاشق=إلا ارتماءت صاحبه فحضانه قصدي ارتماء الود يا سامعني=يطفي اللهيب و تنجلي احزانه جيت المكان اللي نجيه من اول=جيته وقال: فلان وين فلانه؟ جريتها ونه و قلت: بعيني=شفها غفت في عيني السهرانه رد المكان و قال: ماني شايف=إلا عيونك كلهآآ غرقانه قلت البلا هذا و مثلك عارف=إنسان يبكي من فراق إنسانه بالله خلوني أعيش لحالي=بيني و بيني و السبب نسيانه خلاص ابسآفر و يمكن مـ رجع=و إذا رجعت و شنطتي مليانه فيها حروف مبعثره من اسمه=اضمها و اقراه لآخر خانه وارجع أبعثرها عشان اجمعها=و اضمها و أستنشق الريحانه يوم اتذكر ما مضى و اذكرها=و اذكر رماشة عينه النعسانه أشياء في صدري تهز ضلوعي =هذي المشاعر تشتكي هجرانه يا ليتني طفلٍ ليا هالحزه=طفلٍ يعيش ابمدرسة شيبانه الــــشـاعـر نــايـف الطـلاحـبي لاياصباح االخير ياحيرانه=وأحلى صباح عيونك النعسانه شفني معذب بالهوى متعني=إنسان مغرم في غرام إنسانه مع كل طلة صبح صرت أرقبلك=ويعني على ماقيل صرت هنانه هاك المكان اللي سكنّي وأبقى=ذكرى مدى الايام بي سكّانه صدفه تقابلنا يسوقك حظي=رمشك كحيل ونظرتك فتانه صمتك يعذبني وانا متعذب=الله على ظبي المها خجلانه وأنا على شوقي بأسوق أقدامي=متهيضاً فكري بوزن الحانه وليه محلاً لاوصلته شفني=قلباً يعبر مايقول لسانه لاعاد تبحث ماجرى في حاله=حال المولع دايماً ولهانه تايه بحبه في وصاله ممل=يابري حالي نفسي الوجلانه هايم فبدراً فالدجى لانوّر=كن النجوم فحظرته غلمانه وكنه يجيني عقب جواً ممطر=يزورني طيفه بسبع ألوانه غرواً بوده لو يروف بحالي=يمكّن عليّه قبل أموت إدمانه يمكن عليّه من تمكّن فيه=ولا ترى موت المولع حانه شفني على جوي كئيب وهايم=مافاد صوتي في صدى حرمانه يعّني على ماصار قمت أسطّر=بيتاً تعثّر ماكملت قيفانه لاعاد به مغزى ولابه فكره=الزبده أني ميتاً من شانه أرقّب لوصلك والدقايق تمضي=وعقارب الساعه غدت شفقانه خذني على ماوين تبغى جبني=الفهرس اللي يعجبك عنوانه تلقابي اللي في غيابك صانك=قلباً يتّوق وداخله شعلانه ناراً تزيد الشوق في صاحبها=عهداً عليّه ماطرى نسيانه وأبيك توعدني ولاتنساني=ياشين عهداً يقطعه من خانه وزهر المحبه لاأجتمع بالكادي=تزهّر ورود الحب في بستانه كادي وفل وياسمين موّرد=أخاف لاتذبل وهي ضميانه أقلب جروحي بالخفى وأدفنها=واللي سكّني ماطرى نسيانه والحال منّك يشهد الله طاوي=تنظر لحالي عيني السهرانه وانا بلايه حالتي برثيها=وهاذي تكفي من يقول لسانه وأنته تحّرص لا يطول غيابك=وأرجع وشوف الحال ياوجدانه ودعتك الله يوم عني غايب=وأمنتك الله روحي التلفانه الــــشـاعـر مـشعل الـعـزيزي لحد" يطالبني على نسيانه = والدمعه اللي حدرت من شانه يكفي زمانن فات يالايمني = فيه الفرح والضحكه الخجلانه فيه البساطه والهوى حاكمنا = وابيات شاعر ابدع بقيفانه واليوم كن ايدي عليها جمره= والقلب شبت داخله نيرانه نار الفراق اللي يعجـل موتي = ماينعرف ومقفــله بيبانـــــه نفسي لشـــوفه يافهد ملهوفه = وقلوبنـــا من صدته مرضانه مريت في شارع جمعنا مبطي = وهلت دموعي للغضي وازمانه ثم" سالني دربنــــا عن خلي = ثم " نظرت بعيني الغرقانه ثم" تعجب قاللي ياكافي = كنه يحس بعيني الشقيانه اقفيت والدمعه تسوق الدمعه = مثل المسيل محدرن وديانه ولا جدايه غير اعيد الونه = واجرها من روحي الحزنانه واخذت اوقد من ضلوعي ناري = ماعاد تفرق دامها خربانه واليوم ابجمع دفتري واقلامي = وبكتب رساله والغضي عنوانه ثم وصـــلوا شعري على محبوبي = ثم ذكروه بروحي الحيــــرانه ثم ذكروه اني على ميعاده = والنفس في شوفه غدت عجلانه الــــشـاعـر (الرهيف )ماجد بن صنت : البارحة والنوم ماله خانه= كن السهر قفل علي بيبانه قفل علي وراح يمكن يرقد= وخلاني اقابل ملل جدرانه ارجوك ياجفني طلبتك برقد=كسر قيود الحبس والزنزانة اعلن قيام الثورة ولا تسكت=اعلن على الظالم نباء عصيانه ارفع شعارك فوق واكتب وسطه=نامي غصب ياعيني السهرانه ارجوك ساعدني تراني مجهد=محتاجلك نفسي ترى تعبانة شفني مضى يومين مدري وشبي=كني غريب مضيعاً عنوانه تايه ولا يدري على ايه وجهه=يمشي كذا والله يرحم شانه ماله صديقاً في بلاد الغربة=الا معه في غربته احزانه لكن بحاول جمع كل اشيائي= واصبح جسد قائم على اركانه واقول للي مسهرتني قومي=يكفي عيونك نوم يالفتانة قومي وحسي بالسهر والوحدة=حسي طعم ظلمك وبعض الوانه وما ني بماجد كان ماسهرتك=واسجنك في حبس السهر واعوانه وانا بنام الحين أية خدمة ؟=وبكرة بزورك وانت فالزنزانه

سلمت اناملك وبيض الله وجهك يابن عمي وهذا الشعر كله على بقاكم هوو راعيه

عاشق هبا

شعراءنا يستاهلون اكثر من ذلك وبيض الله وجهك

موضوع يستحق التثبيت لأنه يحمل أسماء لآمعه في عالم الشعر

أبن شداد و هذه تحسب له لأنه طرح فكره عامه المشاركه للجميع

و حدد أعمدة الشعر ((سمو القاف)) عبدالرحمن الرهيف

و مشعل العزيزي و نايف الطلاحبي و هو أيضاً مبدع

و أكرر شكري لك أخي عاشق هبا لأنك عرفتنا على شاعر علم و هو سمو القاف

الشاعر الذي تسألنا عنه كثير من يكون خلف هذا الأسم الذي امتعنا بما يكتب

شكراً من الأعماق لك و لأبن شداد الذي هو السبب في المجاراه

و لن أتكلم عن قصائد الأخوان لأنني مهما كتبت لن تفيهم حقهم كتابتي

بيض الله وجهك يابو زويد تنسيق رائع
يستاهلون التشيد والمدح وفعلاً مبدعين
كان صبرت شوي باقي ثنين نايف ومشعل

تقبل مروري

الح ـب حاكم ـني

اشكرك اخوي عاشق هباء الله يعطيك العافيه على اهتمامك بهذا المجاراه وتنسيقه لكي يكتمل جمالها
وانا الدخلت هذى المجاراه من باب تحريك الركود
لكن باقي اثنين ماوصلت مشاركاتهم اخوي مشعل واخوي نايف
واشكرك مره ثانيه على اهتمامك

بيض الله وجهك يابو زويد دايم سباق للعلوم الطيبة ،،،

أبو زويد
الله يعطيك العافيه على ما قدمت و على ربط قصيدتي

بقصائد المتألقين الذي اعطت قصيدتي جمال

بارك الله فيك اخوي عاشق هباء
تقرير وجمع مميز وتستحق الشكر والثناء عليه وكعادتك العلم الغانم دائما حليفك ورفيقك

نشكر الأخ المميز والشاعر الفذ الذي تسبب بعد الله لأحنافنا بهذه الدرر والكلمات الجزلة
ولأهو غريب عليه التميز وهو ابن شداد وصح الله لسانك وعلا شانه

والشكر موصول لكل من

الشاعر عالي الهمة

وصح الله لسانه عضو المنتدى المبدع والمتميز من أول مشاركاته الطيبة


والشاعر المبدع الخلوق
سمو القاف

لا أجد ما اعبر به عن اعجابي با ابو عادل وتميزه من كل النواحي
فعلا سمو القاف والأخلاق والاحترام والذوق

ابداع وجزاله وحبك الكلمه

شعار يستحقون الاشاده والاعجاب

الف شكر اخي عاشق هباء

والله ماقصروا الشعار
سمو القاف
وأبن شداد
وعالي الهمه
بصراحة خلو المنتدى جمره جمره نار نار بقصايدهم الله لايحرمنا منهم