قصيده اتمنى تنال اعجابكم

يالله يارب الـعـباد مـــدبر ارزاق الـعــبـــيد = يلي لياضاقت عــلى المــخـلـوق تــفــتـح بابها
ابا افتخر في عــزوتي كسابة المـجد التليد = الي ليا ذكـــر الــــشــرف تذكـر وهــي اولابها
بني عزيز الي مواقـفـهم كما صـم الحــديد = مــــــن صكته ســـود اليال المعسره ينــجابها
حنا كسبنا النعـم يوم النـــعم يبـغـاله رصـيد = افعالنا تضمن لنا التنـعيم وقــــت حـــسابها
يوم انـهــا بالشلف والبلجيك وايام الــوعــيد = مــن العدا نشبع سراحــــين الخــلا وذيابها
ويوم انها بالعرف واخذ وهات والراي السديد=نقلط على القاله ولوكــبرت نـــفـــك انشابها
رجالنا وقـــت العنــاده والعنـــاد اكـــبر عـنيد=وقت الرضى لوتطلب عـــيونه يبى يصخابها
بني عــزيز مـــطوعين الضــد فاليوم الشديد = لاغثرب المشرب نهـــار النار مــــن شبابها
بني عــزيز الي ماضمت مرجـــفون ولارعيد = افـــعالهم درس وعــــبر للي تــعــن ركابها
بني عـــزيز اهــل الحــميه والله المولى شهيد=ان ا لحـــــمــيه بالوراثه فــي دمـــي شبابها
فينا الــولد يســعى لدرب الطـــيب لوانه مكيد= الطيبه لــو هــي خـــلاف سهيل قام وجابها
نتعب على قــولة نــعــم ونقوله هل من مزيد= الضـــعـــف ماحـــنا هله والطـــيبه نشقابها
والــهــزل والمنـــقود عـنا دربه ايسارن بعيد= والي تســـود وجـــه راعيـــهــا فلا نرضابها
وختامها صـــلوا على مــرسـول خلاق العبيد= مــحــمد الــهــادي شفيع الناس يوم حسابها

اخوكم فهد بن خالد

يامرحبا بالشاعرالمعروف والعضو الجديد
يابو تميم الناس من شعرك تزيد اعـجابها

صح لسانك ابوتميم واعتلا شانك
تقبل تحيات اخوك الليث
واستاذنك في التنسيق

قصيده تحمل من الصراحة

الشي الكثير

كل الشكر

فهد خالد

صح السانك وعلا شانك

ويستاهلون الممدوحين

تحياتي

اخوي فهد بن خالد
مصافحه اولى رائعه من روائعك الجذابه
قصيده جزله من شاعر جزل
قصيده لايكتبها الا كبار الشعراء
صح لسانك بحجم السماء ومداد الكون على النص الفاخر

تم تنسيق القصيده وتستاهل من يخدمك يالقرم

صح لسانك وعلا شانك شاعرنا فهد

ابيات تكتب من ذهب شاعر متمكن من المفرده وجزالتها

سلمت اناملك على هذه القصيده الرائعه

الليث محمد الذيب الرهيف الطريس العزيزي المغترب

شكرا من الاعماق لمروركم وكلماتكم التي افتخر بها كلمة الثناء من احدكم هي اكبر دعم وتشجيع اتمنى اني استحق فعلا كل ماقلتم

لكم كل الحب والتقدير