ياعاشق الدنيـــــا ترى ما بها خير

ياعاشق الدنيـــــا ترى ما بها خير×××× الاّ دروب الخيــــر تبقــى جويده
كم واحد يضحك مع الناس ويسير×××× مايدري إن المـوت قـــرّب وتيده
حنـــا غفلنـــــا غفلــة فوق تقصير×××× كلٍ تناســى ماكشف عن رصيده
نشعـــب ركايبنـــا ورا جـــرة بعير×××× ماندري إن الدرب فيــه المصيدة
يالادمــــي يكتب فـــي اللوح تقرير×××× تقرير واضح بيّنٍ مــــن حصيده
ويمشفرٍ فكـــره عــن الحق تشفير××××أحذر مـن الشيطان معــه المكيده
يسحبك مسحــــابٍ على جمة البير××××تنزل وتصبح في لهــــايب وقيده
لاتحســــب إن العمــر بيزيد تعمير×××× لوطـــال في عمرك حيــاةٍ مديدة
يكبر حـــظ الطير لو حـــــام بيطير×××× ما عنده ذنوبٍ تجــي فــي بريده
للذنب يأهـــل الذنب توبـــه وتكفير××××كفّر ذنوبك قبـــــل يــوم الوعيده
يـــالله تغفـــــر زلتـــــي دون تعبير×××× قبل الحساب وقبل يوم الحشيدة
إلهنا اللــــي ماعبدنـــــا معـــه غير×××× الواحــــد اللـــي مايضيع عبيده
أغفر ذنوبــي كلهـــا جــــل وصغير×××× وأجعــــل حياتي كلبوها سعيده
وختامهـــا صلـــوا معي ياهل الخير×××× علــــى رســــولٍ حافظٍ للعقيدة


أخوكم : المبدع
هذه أول قصيدة لي معكم في هذا المنتدى الرائعه وإن شاء الله الجايات اكثر

ياعاشق الدنيـــــا ترى ما بها خير×××× الاّ دروب الخيــــر تبقــى جويده
كم واحد يضحك مع الناس ويسير×××× مايدري إن المـوت قـــرّب وتيده

تسلم وقال الليث من ربعك مطير
يشيد بالمبدع في اول قصــــيده

قصيدتك جزله و شكري وتقدير
مني إلى المبدع على هالجديده

مسحوب جميل ورائع
قصيده في منتهى الروعه
اعجبني وبشده :..
للذنب يأهـــل الذنب توبـــه وتكفير××××كفّر ذنوبك قبـــــل يــوم الوعيده
صح لسانك والله يقويك ويسعدك
وتستحق التقييم وبجداره
رائعه ومذهله القصيده
احترامي وتقديري
طير القوافي

المبدع صح لسانك وبيض الله وجهك أبيات في قمة االروعه
أسجل اعجابي

وياهلا ويامرحبا فيك وشرفتنا والمحل محلك وسعداء بتواجدك معنا

الح ـب حاكم ـني

يا سلااااااااااااااااااااااااااااااام سلم
صح لسانك ملاين وملاين وفوقها بليون
جزل يالمبدع
كايفه واجد

صح لسانك اخي المبدع

قصيده رائعه من شاعر متمكن

الله


قصيده روعه


فجر

الليث
شموخ
طير القوافي
الحب حاكمني
البحار
العزيزي
فجر
أشكركم جزيل الشكر ويسعدني ويشرفني أن أنتسب لهذه الكوكبه في هذا المنتدى الأكثر من رائع والذي تشع قناديله بوجود أعضاءه الكرماء فلكم مني عاطر التحايا والتقدير .